എകെജി സെന്ററിന് നേരെ സ്ഫോടക വസ്തു എറിഞ്ഞ സംഭവം; അന്വേഷണ സംഘത്തിന് മുന്നിലെത്തിയത് ഫോണിലെ വിവരങ്ങൾ നീക്കിയതിന് ശേഷം
ഗൗരീശപട്ടത്തു നിന്നും മറ്റൊരാളാണ് ഈ സ്കൂട്ടർ ഓടിക്കുന്നത്. സ്കൂട്ടറിന് പിന്നിൽ ഗൗരീശപട്ടം മുതൽ ഒരു കാറാണ് ഉള്ളതെന്നും സിസിടിവി പരിശോധിച്ചപ്പോൾ ഇത് കെഎസ്ഇബിയുടെ ബോര്ഡ് വച്ച കാറാണെന്ന് കണ്ടെത്തിയിരുന്നു. തുടർന്ന് നടത്തിയ അന്വേഷണത്തിൽ കാര് ജിതിന്റെ ഉടമസ്ഥതയിലുള്ളതാണെന്നും ക്രൈംബ്രാഞ്ച് കണ്ടത്തിയിട്ടുണ്ട്.
സംഭവത്തിന്റെ സിസിടിവി ദൃശ്യങ്ങൾ ഒരു സ്വകാര്യ ലാബിൽ അയച്ച് പരിശോധിച്ചതിൽ നിന്നും ജിതിൻ ധരിച്ച ടീ ഷര്ട്ടിനെ കുറിച്ചും വിവരം ലഭിക്കുകയും അന്വേഷണത്തിൽ തലസ്ഥാനത്ത് ഈ ബ്രാൻഡിലെ 12 ടീ ഷര്ട്ടുകൾ വിറ്റുപോയെന്ന് വ്യക്തമായിട്ടുണ്ട്. തുടർന്ന് നടത്തിയ പരിശോധനയിൽ ഇവയിൽ ഒരു ടീഷര്ട്ട് വാങ്ങിയത് ജിതിൻ ആണെന്നും കണ്ടെത്തി.