കേരളത്തിൽ നിന്നുള്ള രണ്ട് ട്രയിനുകൾ ഉൾപ്പെടെ ആറ് ട്രെയിനുകൾ റദ്ദാക്കി
തിരുവനന്തപുരം: ആറ് ട്രെയിനുകൾ റദ്ദാക്കിയതായി റെയിൽവേ അറിയിച്ചു. കേരളത്തിൽ നിന്നുള്ള രണ്ട് ട്രയിനുകൾ ഉൾപ്പെടെയാണ് ആറ് ട്രെയിനുകൾ. ട്രെയിനുകൾ റദ്ധാക്കിയത് നാഗ്പൂർ ഡിവിഷനിൽ യാർഡ് അറ്റകുറ്റപ്പണികൾ നടക്കുന്നതിനാൽ ആണ്.
ഈ മാസം എട്ടിനും 11 നും സർവീസ് നടത്താനിരുന്ന കൊച്ചുവേളി-കോർബ സൂപ്പർഫാസ്റ്റ്(22648) പത്തിന് സർവീസ് നടത്താനിരുന്ന എറണാകുളം-ബിലാസ്പൂർ സൂപ്പർഫാസ്റ്റ്(22816) എന്നീ ട്രയിനുകളാണ് റദ്ദാക്കിയത്.
ഏഴിന് സർവീസ് നടത്താനിരുന്ന തിരുനെൽവേലി-ബിലാസ്പൂർ(22620), എട്ടാം തീയതിയിലെ ബിലാസ്പൂർ-എറണാകുളം(22815), 10, 13 തീയതികളിലെ കോർബ-കൊച്ചുവേളി(22647) ഒൻപതാം തീയതിയിലെ ബിലാസ്പൂർ-തിരുനെൽവേലി(22619), എന്നിവയാണ് റദ്ദാക്കിയ മറ്റു ട്രയിനുകൾ.