നടൻ മോഹൻലാലിന് മോൻസൻ മാവുങ്കൽ കേസിൽ ഇഡിയുടെ നോട്ടീസ്
കൊച്ചി: നടൻ മോഹൻലാലിന് ഇഡിയുടെ (എൻഫോഴ്സ്മെന്റ് ഡയറക്ടറേറ്റ്) നോട്ടീസ്. പുരാവസ്തു തട്ടിപ്പുകാരൻ മോൻസൻ മാവുങ്കലുമായുള്ള ബന്ധത്തിൽ ആണ് നോട്ടീസ്. ഇഡി നോട്ടീസ് അയച്ചിരിക്കുന്നത് മോൻസന്റെ മ്യൂസിത്തിൽ പോയത് സംബന്ധിച്ച് വിശദീകരണം തേടാനാണ്. നോട്ടീസിൽ ആവശ്യപ്പെട്ടിരിക്കുന്നത് കൊച്ചിയിലെ ഇഡി ഓഫീസിൽ അടുത്ത ആഴ്ച ഹാജരായി മൊഴി നൽകാനാണ് .
മോൻസൻ മാവുങ്കൽ സിനിമാ താരങ്ങളും ഉന്നത ഉദ്യോഗസ്ഥരും അടക്കം സമൂഹത്തിലെ പ്രമുഖരുമായി ബന്ധം പുലർത്തിയിരുന്നതായി ഇഡിയും ക്രൈംബ്രാഞ്ചും നേരത്തെ കണ്ടെത്തിയിരുന്നു. മോൻസൻ മാവുങ്കലിൽ നിന്നും നേരത്തെ തന്നെ ഇഡി മോഹൻലാൽ അടക്കമുള്ള സിനിമാ താരങ്ങളുമായുള്ള ബന്ധത്തെക്കുറിച്ച് വിശദമായ മൊഴി ശേഖരിച്ചിരുന്നു.