'ഇമ്മിണി വല്‍തും ഗുണോള്ള കാര്യങ്ങളും'': ഡിജിറ്റല്‍ വാഹന പര്യടനം തുടരുന്നു
Jan 25, 2023, 23:40 IST
പാലക്കാട്: ജില്ലാ ഇന്‍ഫര്‍മേഷന്‍ ഓഫീസിന്റെ ആഭിമുഖ്യത്തില്‍ ജില്ലാ ശിശു സംരക്ഷണ യൂണിറ്റിന്റെ സഹകരണത്തോടെ സംഘടിപ്പിക്കുന്ന ഡിജിറ്റല്‍ വാഹന പ്രദര്‍ശനം ജില്ലയില്‍ അഞ്ചാം ദിവസവും വിജയകരമായി പര്യടനം തുടരുന്നു. സര്‍ക്കാരിന്റെ വികസന-ക്ഷേമ-ബോധവത്ക്കരണ പ്രവര്‍ത്തനങ്ങള്‍ ഉള്‍ക്കൊള്ളിച്ച നൂറോളം മൂവിങ് പോസ്റ്റര്‍-വീഡിയോകളാണ് പര്യടനത്തില്‍ പ്രദര്‍ശിപ്പിക്കുന്നത്. ജനുവരി 24 ന് തൃത്താല ഗ്രാമപഞ്ചായത്തില്‍ നിന്നും ആരംഭിച്ച വാഹന പ്രദര്‍ശനം ചാലിശ്ശേരി, ആനക്കര, പടിഞ്ഞാറങ്ങാടി എന്നിവിടങ്ങളില്‍ പര്യടനം നടത്തി. രാജേഷ് കലാഭവന്റെയും കെ.പി ദിനകറുടെയും നേതൃത്വത്തിലുള്ള ആര്‍.എന്‍ ആര്‍ട്‌സ് ഹബ്ബ് കലാസംഘം ശൈശവ വിവാഹം, കുട്ടികള്‍ക്കെതിരെയുള്ള അതിക്രമങ്ങള്‍ എന്നിവയെ കുറിച്ച് ബോധവത്ക്കരണവും വിള ഇന്‍ഷുറന്‍സ് പോലുള്ള വിവിധ പദ്ധതികളുടെ അവതരണവും നടത്തി.