പഞ്ചാബിലെ സ്വകാര്യ സർവകലാശാല ഹോസ്റ്റലിൽ മലയാളി വിദ്യാർഥി ജീവനൊടുക്കി
Sep 21, 2022, 10:00 IST
അമൃത്സർ: പഞ്ചാബിലെ സ്വകാര്യ സർവകലാശാല ഹോസ്റ്റലിൽ മലയാളി വിദ്യാർഥി ജീവനൊടുക്കി. പഗ്വാരയിലെ ലവ്ലി പ്രഫഷനൽ യുണിവേഴ്സിറ്റിയിലെ(എൽപിയു) വിദ്യാർഥിയായ ചേർത്തല സ്വദേശി അഖിൻ എസ്. ദിലീപാണ് മരണപ്പെട്ടത്.
ചൊവാഴ്ച രാത്രിയിൽ നാലാം നമ്പർ ഹോസ്റ്റൽ സി ബ്ലോക്കിലെ മുറിയിലാണ് മൃതദേഹം കണ്ടെത്തിയത്. ആത്മഹത്യാക്കുറിപ്പ് കണ്ടെത്തിയതായി റിപ്പോർട്ട് ചെയ്തിട്ടില്ല.
ഒന്നാം വർഷ ബിടെക് വിദ്യാർഥിയായ അഖിന്റെ മരണത്തിൽ സർവകലാശാല അധികൃതർ ഒളിച്ചുകളി നടത്തുകയാണെന്ന് ആരോപിച്ച് വിദ്യാർഥി സംഘടനകൾ രാത്രിയിൽ വൻ പ്രതിഷേധമായിരുന്നു.