കനത്ത മഴ: കോട്ടയത്തെ പടിഞ്ഞാറന് മേഖലയിലുള്ള താഴ്ന്ന പ്രദേശങ്ങള് വെള്ളത്തിലായി
Updated: Aug 5, 2022, 12:04 IST
കോട്ടയം: ശക്തമായ മഴയെതുടര്ന്ന് കോട്ടയത്തെ പടിഞ്ഞാറന് മേഖലയിലുള്ള താഴ്ന്ന പ്രദേശങ്ങള് വെള്ളത്തിലായി. തിരുവാര്പ്പ്, അയ്മനം പ്രദേശങ്ങളിലെ നൂറോളം വീടുകളില് വെള്ളം കയറിയിട്ടുണ്ട്.അതേസമയം, കോട്ടയം ജില്ലയില് ഇന്നലെ വൈകിട്ട് മുതല് കാര്യമായ മഴ പെയ്യുന്നില്ലെന്നത് ആശ്വാസമാണ്. കിഴക്കന് പ്രദേശങ്ങളിലെ ശക്തമായ മഴയും ഉരുള്പൊട്ടലുമാണ് വെള്ളപൊക്കത്തിന് കാരണം. വീടിനുള്ളില് വെള്ളം കയറിയതിനാല് പലരും ദുരിതാശ്വാസ ക്യാമ്പുകളിലും മറ്റു സുരക്ഷിതമായ സ്ഥലങ്ങളിലും അഭയം പ്രാപിച്ചു. രണ്ട് നില വീടുള്ളവര് രണ്ടാം നിലയിലേക്ക് താമസം മാറി. മേഖലയില് കൂടുതല് ദുരിതാശ്വാസ ക്യാമ്പുകള് തുറന്നേക്കുമെന്നു അധികൃതര് അറിയിച്ചു.