പേരമ്പ്രയിൽ വിവാഹസത്ക്കാരത്തിനിടെ ഭക്ഷ്യവിഷബാധ; നിരവധി പേർ ആശുപത്രിയിൽ
May 11, 2022, 13:12 IST
കോഴിക്കോട്: കോഴിക്കോട് പേരമ്പ്രയിൽ ഭക്ഷ്യവിഷബാധ. വിവാഹസത്ക്കാരത്തിൽ പങ്കെടുത്ത കുട്ടികൾക്കാണ് ഭക്ഷ്യവിഷബാധയുണ്ടായിരിക്കുന്നത്. ഇവർക്ക് ഛർദിയും വയറിളക്കവുമുണ്ടായി.ഇവരെ ആശുപത്രിയിൽ പ്രവേശിപ്പിച്ചിട്ടുണ്ട് . ആരുടെയും നില ഗുരുതരമല്ലെന്നാണ് ലഭിക്കുന്ന സൂചന. വെള്ളത്തിൽ നിന്നാകാം വിഷബാധയുണ്ടായതെന്നാണ് പ്രാഥമിക നിഗമനം. സംഭവത്തിൽ അന്വേഷണം ആരംഭിച്ചിട്ടുണ്ട്.