വിദ്യാർഥികള്ക്കും ഇതര സംസ്ഥാന തൊഴിലാളികള്ക്കും ഇടയിൽ ലഹരിമരുന്ന് വിൽപ്പന; സംഘത്തലവനും തലവനും കൂട്ടാളിയും പിടിയിൽ
Jan 25, 2023, 16:53 IST
മലപ്പുറം: കൊണ്ടോട്ടി കേന്ദ്രീകരിച്ച് വിദ്യാർഥികള്ക്കും ഇതര സംസ്ഥാന തൊഴിലാളികള്ക്കും ഇടയിൽ ലഹരിമരുന്ന് വില്പന നടത്തിവന്ന സംഘത്തിന്റെ തലവനും കൂട്ടാളിയും പിടിയിലായി. സംഘത്തലവന് കൊണ്ടോട്ടി പുളിക്കല് സ്വദേശി ഷൈജു എന്ന പുളിക്കല് ഷൈജു (51), കൊണ്ടോട്ടി കോളനി റോഡില് നിഷാദ് (32) എന്നിവരെയാണ് പോലീസ് പിടികൂടിയത്. ചൊവ്വാഴ്ച രാത്രി കൊണ്ടോട്ടി ബസ് സ്റ്റാൻഡ് പരിസരത്തു വെച്ചാണ് വിപണിയില് അര ലക്ഷത്തോളം വിലവരുന്ന ബ്രൗണ് ഷുഗറുമായി ഇവരെ പോലീസ് അറസ്റ്റ് ചെയ്തത്. ഇവരെ ചോദ്യം ചെയ്തതില് പ്രദേശത്തെ ലഹരിക്കടത്ത് സംഘത്തെക്കുറിച്ച് സൂചന ലഭിച്ചതായി അന്വേഷണസംഘം പറഞ്ഞു. ഇവരെ നിരീക്ഷിച്ചുവരുകയാണ്. ഷൈജുവിനെതിരെ കോഴിക്കോട്, മലപ്പുറം ജില്ലകളിലായി നാര്ക്കോട്ടിക് കേസുകളുണ്ട്. കൊലപാതക-മോഷണക്കേസുകളിലും പ്രതിയാണ്. ഇവര്ക്കെതിരെ കാപ്പ ചുമത്താന് നടപടി ആരംഭിച്ചു.