കരുനാഗപ്പള്ളിയില് ദമ്പതികള് ഷോക്കേറ്റ് മരിച്ച നിലയില്; ആത്മഹത്യ എന്ന് സൂചന
Jun 23, 2022, 13:46 IST
കൊല്ലം: കരുനാഗപ്പള്ളിയില് ദമ്പതികളെ വീടിനുള്ളിൽ മരിച്ച നിലയില് കണ്ടെത്തി. കല്ലേലിഭാഗം സ്വദേശികളായ സാബു, ഷീജ എന്നിവരെയാണ് ഷോക്കേറ്റ് മരിച്ച നിലയിൽ കണ്ടെത്തിയത്. മരിച്ച ദമ്പതികളുടെ മകനാണ് ആദ്യം മൃതദേഹം കണ്ടത്. ഇലക്ട്രിക് വയര് ദേഹത്ത് ചുറ്റിയ നിലയിലാണ് ഇരുവരെയും കണ്ടെത്തിയത്. ആത്മഹത്യയാണെന്നാണ് പോലീസിന്റെ പ്രാഥമിക നിഗമനം. സാമ്പത്തിക ബാധ്യത ആത്മഹത്യയിലേക്ക് നയിച്ചതാകാമെന്നും പോലീസ് അറിയിച്ചു. മൃതദേഹം കൊല്ലം ജില്ലാ ആശുപത്രിയില് സൂക്ഷിച്ചിരിക്കുകയാണ്. പോസ്റ്റ്മോര്ട്ടത്തിനു ശേഷം മൃതദേഹം ബന്ധുക്കള്ക്ക് വിട്ടുനല്കും.