എകെജി സെന്റർ ആക്രമണ൦ : ജിതിനെ പാർട്ടി സംരക്ഷിക്കുമെന്ന് കെപിസിസി അധ്യക്ഷൻ കെ. സുധാകരൻ
Sep 23, 2022, 23:08 IST
തിരുവനന്തപുരം: ജിതിനെ പാർട്ടി സംരക്ഷിക്കുമെന്ന് കെപിസിസി അധ്യക്ഷൻ കെ. സുധാകരൻ. എകെജി സെന്റർ ആക്രമണക്കേസിൽ അറസ്റ്റിലായ യൂത്ത്കോൺഗ്രസ് പ്രവർത്തകൻ ആണ് ജിതിൻ.
തെളിവായി കോടതിവരാന്തയിൽ പോലും നിൽക്കാത്ത വിഡ്ഢിത്തങ്ങൾ കോടതിയിലെത്തിയാൽ പിണറായി വിജയന് പതിവുപോലെ യൂ -ടേൺ അടിക്കാമെന്നും അദ്ദേഹം പരിഹസിച്ചു. കോമാളിത്തരങ്ങൾ ജയരാജൻ എന്നത്തേയും പോലെ കാണിച്ചോട്ടെ. അത് കേരളം കാര്യമാക്കുന്നില്ല. പക്ഷേ കേരള മുഖ്യമന്ത്രിക്ക് എണ്ണമറ്റ ഉപദേശകരെ ചുറ്റിനും നിർത്തിയിട്ടും ഇനിയും വിവരം വയ്ക്കാത്തത് എന്തുകൊണ്ടാണെന്ന് നാട് അത്ഭുതപ്പെടുന്നുണ്ട്.