നികുതിവെട്ടിച്ച് കടത്താന്‍ ശ്രമിച്ച 229 മോട്ടോര്‍ പമ്പ് സെറ്റുകൾ പിടികൂടി
Jun 9, 2024, 09:28 IST
പാലക്കാട്: തമിഴ്‌നാട്ടില്‍നിന്ന് നികുതിവെട്ടിച്ച് കടത്താന്‍ ശ്രമിച്ച 229 മോട്ടോര്‍ പമ്പ് സെറ്റ് പിടികൂടിയ സംഭവത്തില്‍ ജി.എസ്.ടി എന്‍ഫോഴ്‌സ്‌മെന്റ് വകുപ്പ് നാലുലക്ഷം രൂപ പിഴയീടാക്കി. വെള്ളിയാഴ്ച രാത്രിയാണ് വേലന്താവളം എക്‌സൈസ് ചെക്‌പോസ്റ്റില്‍ പരിശോധനക്കിടെ നികുതി വെട്ടിച്ച് കടത്തുകയായിരുന്ന മോട്ടോര്‍ പമ്പ് സെറ്റുകൾ എക്‌സൈസ് സംഘം പിടികൂടിയത്. കോയമ്പത്തൂരില്‍നിന്ന് കൊല്ലത്തേക്ക് ടയര്‍ കയറ്റി വന്ന ലോറിയുടെ ക്യാബിനകത്തെ രഹസ്യ അറകളിലും ക്യാബിന് മുകളിലുമായി ഒളിപ്പിച്ച നിലയിലായിരുന്നു. തുടര്‍ന്ന് വാഹനം ജി.എസ്.ടി എന്‍ഫോഴ്‌സ്‌മെന്റ് വകുപ്പിന് കൈമാറുകയായിരുന്നു.