17 കാരിയെ തട്ടിക്കൊണ്ടുപോയി പീഡിപ്പിച്ചു; പ്രതിക്ക് 30 വർഷം കഠിന തടവ്
May 1, 2024, 09:44 IST
കൊല്ലം: പോക്സോ കേസ് പ്രതിക്ക് 30 വർഷം കഠിന തടവ്. തെന്മല സ്വദേശി റെനിൻ വർഗീസിനാണ് കോടതി ശിക്ഷ വിധിച്ചത്. പുനലൂർ അതിവേഗ സ്പെഷ്യൽ കോടതിയുടേതാണ് ഉത്തരവ്. 30 വർഷം കഠിന തടവും 35,000 രൂപ പിഴയുമാണ് കോടതി വിധിച്ചത്. പിഴത്തുക അതിജീവിതയ്ക്ക് നൽകണം. പിഴ ഒടുക്കിയില്ലെങ്കിൽ മൂന്നുമാസം കഠിനതടവും കൂടി അനുഭവിക്കണമെന്നും കോടതി വ്യക്തമാക്കി. 17 കാരിയെ ഇയാൾ തട്ടിക്കൊണ്ടുപോയി പീഡിപ്പിക്കുകയായിരുന്നു. കഴിഞ്ഞ വർഷം മെയിലാണ് കേസിനാസ്പദമായ സംഭവം നടന്നത്. തുടർന്ന് ഇയാൾ മൂന്നു മാസത്തോളം ബംഗളൂരുവിൽ ഒളിവിൽക്കഴിഞ്ഞു. ഇവിടെ നിന്നാണ് പോലീസ് പ്രതിയെ പിടികൂടിയത്.