കോഴിക്കോട്: ബേപ്പൂർ നിയമസഭാ മണ്ഡലത്തിലെ തന്റെ പരാജയത്തിന് പിന്നിൽ ബിജെപി-സിപിഎം രഹസ്യ ധാരണയാണെന്ന് പി.വി. അൻവർ. മുഖ്യമന്ത്രി പിണറായി വിജയന് താൻ എത്രത്തോളം ശത്രുവാണോ, അത്രതന്നെ ശത്രുത ബിജെപിക്കും തന്നോടുണ്ടെന്ന് അദ്ദേഹം ആരോപിച്ചു. (PV Anvar On Beypore Election Defeat CPM BJP Deal Allegation)
മുഹമ്മദ് റിയാസിനെ ബേപ്പൂർ മണ്ഡലത്തിൽ തളച്ചിടുക എന്ന ലക്ഷ്യത്തോടെയാണ് താൻ റിസ്ക് എടുത്ത് മത്സരിച്ചതെന്ന് അൻവർ പറഞ്ഞു. പരാജയപ്പെട്ടാലും വർഗീയവാദികളുടെ വോട്ട് വേണ്ടെന്ന് ഉറപ്പിച്ചു പറഞ്ഞ പ്രതിപക്ഷ നേതാവ് വി.ഡി. സതീശന്റെ നിലപാടിനെ മതേതര കേരളം ഏറ്റെടുത്തെന്നും അൻവർ കൂട്ടിച്ചേർത്തു.
ആ ‘ത്രാണി’ യുഡിഎഫിന്റെ വൻ വിജയത്തിന് കാരണമായെന്നും അദ്ദേഹം നിരീക്ഷിച്ചു. സിപിഎം വിട്ടവരും പാർട്ടി വിടാൻ തയ്യാറായി നിൽക്കുന്നവരുമായി വരും ദിവസങ്ങളിൽ ചർച്ച നടത്തുമെന്ന് അൻവർ വ്യക്തമാക്കി. യുഡിഎഫിന്റെ അനുമതിയോടെ ഇവർക്കായി പുതിയൊരു രാഷ്ട്രീയ പ്ലാറ്റ്ഫോം ഒരുക്കാനാണ് നീക്കം.
Story Summary
PV Anvar alleged that his defeat in Beypore was a result of a secret pact between the BJP and CPM. He claimed his candidacy successfully confined Minister PA Mohammed Riyas to the constituency and announced plans to create a new political platform for those leaving the CPM with UDF support.
