സഹകരണസംഘത്തില് കോടികളുടെ തട്ടിപ്പ് നടത്തിയ സി പി എം നേതാവിനെതിരേ കേസെടുത്തു
May 14, 2024, 12:49 IST
കാസര്ഗോഡ്: സഹകരണസംഘത്തില് കോടികളുടെ തട്ടിപ്പ് നടത്തിയ സി പി എം നേതാവിനെതിരേ കേസെടുത്തു. 4.76 കോടി രൂപയുടെ സ്വര്ണപ്പണയ വായ്പ അംഗങ്ങളറിയാതെ അവരുടെ പേരില് എടുത്തെന്ന പരാതിയിലാണ് സഹകരണ സംഘം സെക്രട്ടറിക്കെതിരേ കേസെടുത്തിട്ടുള്ളത്. ക്രമക്കേട് കണ്ടെത്തിയത് സി പി എം നിയന്ത്രണത്തിലുള്ള കാറഡുക്ക അഗ്രികള്ചറിസ്റ്റ് വെല്ഫെയര് കോഓപ്പറേറ്റീവ് സൊസൈറ്റിയിലാണ്. ജാമ്യമില്ലാ വകുപ്പുകള് ചുമത്തി ആദൂര് പൊലീസ് കേസെടുത്തത് സൊസൈറ്റി സെക്രട്ടറിയും സി പി എം മുള്ളേരിയ ലോക്കല് കമ്മിറ്റി അംഗവുമായ കര്മംതോടിയിലെ കെ.രതീശനെതിരെയാണ്. ഇയാള്ക്കെതിരേ പരാതി നല്കിയത് സൊസൈറ്റി പ്രസിഡന്റ് ബെള്ളൂര് കിന്നിങ്കാറിലെ കെ.സൂപ്പിയാണ്.