വാഗമണ് ലഹരി പാര്ട്ടിക്കേസിലെ ഒന്പതാം പ്രതിയുടെ ജാമ്യ ഹര്ജി ഹൈക്കോടതി ഇന്ന് പരിഗണിക്കും
Jan 14, 2021, 07:56 IST
ഇടുക്കി :വാഗമണ് ലഹരി പാര്ട്ടിക്കേസിലെ ഒന്പതാം പ്രതി മോഡല് ബ്രിസ്റ്റി ബിശ്വാസിന്റെ ജാമ്യ ഹര്ജി ഹൈക്കോടതി ഇന്ന് പരിഗണിക്കും. കൊല്ക്കത്ത സ്വദേശിനിയായ തനിക്കു മലയാളം നന്നായി സംസാരിക്കാന് അറിയില്ലെന്നും പൊലീസ് ഉദ്യോഗസ്ഥന് തന്റെ ഭാഷ മനസിലാകാത്തതാണ് പ്രതിയാകാന് കാരണമെന്നുമാണ് ജാമ്യഹര്ജിയില് പ്രതി പറയുന്നത് .
വന് ലഹരി – മാഫിയാ സംഘങ്ങളുമായി പ്രതികള്ക്ക് ബന്ധമുണ്ടെന്നായിരുന്നു പൊലീസിന്റെ കണ്ടെത്തല്. ഡിജെ പാര്ട്ടിയെക്കുറിച്ചോ മറ്റു താമസക്കാരെക്കുറിച്ചോ അറിയില്ലെന്നും ഹര്ജിക്കാരി പറയുന്നുണ്ട്. വാഗമണിലെ റിസോര്ട്ടില് നിന്നും നിശാപാര്ട്ടിക്കിടെ വന് തോതില് ലഹരിമരുന്നു കണ്ടെത്തിയ സംഭവത്തില് ബ്രിസ്റ്റിയടക്കം ഒന്പത് പേരാണ് പ്രതികള്.