ഇടുക്കിയിൽ ദേശീയപാത നിര്‍മാണത്തിനിടെ മണ്ണിടിഞ്ഞ് രണ്ട് തൊഴിലാളികൾ മണ്ണിനടിയിൽപ്പെട്ടു
Jun 11, 2024, 15:32 IST
ഇടുക്കി: ദേശീയപാത നിര്‍മാണത്തിനിടെ അടിമാലിയില്‍ മണ്ണിടിഞ്ഞ് അപകടമുണ്ടായി. മണ്ണിനടിയിൽ രണ്ട് തൊഴിലാളികള്‍ കുടുങ്ങി. അപകടത്തിൽപ്പെട്ടത് തമിഴ്‌നാട് തെങ്കാശി സ്വദേശികളായ കാളിച്ചാമി, ജോസ് എന്നിവരാണ്. സംഭവമുണ്ടായത് ഇന്ന് ഉച്ചയ്ക്കാണ്. മണ്ണിടിഞ്ഞ് ഇവരുടെ പുറത്ത് വീഴുകയായിരുന്നു. പൂർണ്ണമായും മണ്ണിനടിയിലായിരുന്നു ജോസ്. ഇരുവരെയും മറ്റ് തൊഴിലാളികളും അഗ്നിരക്ഷാ സേനയുമെത്തി പുറത്തെടുക്കുകയായിരുന്നു. അടിമാലിയിലെ സ്വകാര്യാശുപത്രിയില്‍ പ്രവേശിപ്പിച്ച ഇരുവരുടെയും ആരോഗ്യനില തൃപ്തികരമാണെന്നാണ് വിവരം.