ജപ്തി നടപടികൾക്കിടയിൽ വീട്ടമ്മയുടെ ആത്മഹത്യ: കൊലക്കുറ്റത്തിന് പൊലീസുകാർക്കെതിരെ കേസെടുക്കണമെന്ന് എം.എം. മണി
May 14, 2024, 15:27 IST
ഇടുക്കി: വീട്ടമ്മ ജപ്തി നടപടികൾക്കിടയിൽ ഇടുക്കി നെടുങ്കണ്ടത്ത് ജീവനൊടുക്കിയ സംഭവത്തിൽ കൊലക്കുറ്റത്തിന് പൊലീസുകാർക്കെതിരെ കേസെടുക്കണമെന്ന് പറഞ്ഞ് എം എം മണി. ഗുരുതര വീഴ്ചയാണ് ബാങ്ക് അധികൃതരുടെ ഭാഗത്ത് നിന്നുണ്ടായതെന്നും പൊലീസ് ഉദ്യോഗസ്ഥരും സംഭവത്തിൽ വീഴ്ച വരുത്തിയെന്നും അദ്ദേഹം വിമർശിച്ചു. നെടുങ്കണ്ടത്ത് വീട്ടമ്മ ജപ്തി നടപടികൾക്കിടയിൽ തീകൊളുത്തി ആത്മഹത്യ ചെയ്ത സംഭവത്തിൽ ആക്ഷൻ കൗൺസിൽ രൂപീകരിച്ചു. ഇതിലെ അംഗങ്ങൾ രാഷ്ട്രീയ പാർട്ടികളുടെയും സാമുദായിക സംഘടനകളുടെയും പ്രതിനിധികൾ, പഞ്ചായത്ത് മെമ്പർമാർ തുടങ്ങിയവരൊക്കെയാണ്. കഴിഞ്ഞ മാസം ജപ്തിക്കിടെ പെട്രോൾ ഒഴിച്ച് ആത്മഹത്യ ചെയ്തത് ആശാരികണ്ടം സ്വദേശി ഷീബ ദിലീപാണ്.