ബോസ്റ്റൺ: ലോകകപ്പ് ക്വാർട്ടർ ഫൈനലിൽ മൊറോക്കോയ്ക്കെതിരായ മത്സരത്തിൽ ഫ്രഞ്ച് നായകൻ കിലിയൻ എംബാപ്പെയ്ക്ക് ലഭിച്ച പെനാൽറ്റി എടുക്കാൻ ഉണ്ടായ നീണ്ട കാത്തിരിപ്പിൽ അതൃപ്തി പ്രകടിപ്പിച്ച് എർലിങ് ഹാലൻഡ് ( Haaland reaction Mbappe penalty miss). വാർ പരിശോധന കാരണം പെനാൽറ്റി എടുക്കാൻ മൂന്ന് മിനിറ്റിലധികം കാത്തുനിൽക്കേണ്ടി വന്നതിനെതിരെ സമൂഹമാധ്യമത്തിലൂടെയാണ് താരം പ്രതികരിച്ചത്. “പെനാൽറ്റി എടുക്കാൻ അഞ്ച് മിനിറ്റ് കാത്തുനിൽക്കുന്നത് വളരെ അധികമാണ്,” എന്നാണ് ഹാലൻഡ് കുറിച്ചത്.
മത്സരത്തിന്റെ ആദ്യ പകുതിയിലാണ് ഫ്രാൻസിന് പെനാൽറ്റി ലഭിച്ചത്. എന്നാൽ, വാർ പരിശോധന മൂലം 3 മിനിറ്റ് 10 സെക്കന്റാണ് കളി തടസ്സപ്പെട്ടത്. ഈ നീണ്ട ഇടവേളയ്ക്ക് ശേഷം കിക്കെടുത്ത എംബാപ്പെയ്ക്ക് പിഴച്ചു. മൊറോക്കോ ഗോൾകീപ്പർ യാസിൻ ബൂനു താരം എടുത്ത കിക്ക് തട്ടിയകറ്റി. മത്സരത്തിൽ ഫ്രാൻസ് 2-0ന് ജയിച്ച് സെമിഫൈനലിൽ കടന്നെങ്കിലും, വാർ പരിശോധനയുമായി ബന്ധപ്പെട്ട ഈ സംഭവം വലിയ ചർച്ചയായിട്ടുണ്ട്.
അതേസമയം, മത്സരത്തിനിടെ ഉണ്ടായ ചെറിയ പരിക്ക് ഗുരുതരമല്ലെന്നും താൻ സുഖമായിരിക്കുന്നുവെന്നും എംബാപ്പെ വ്യക്തമാക്കി. തന്ത്രപരമായ മാറ്റത്തിന്റെ ഭാഗമായാണ് തന്നെ പകരക്കാരനായി പിൻവലിച്ചതെന്നും താരം കൂട്ടിച്ചേർത്തു. മൂന്നാം തവണയും ഫ്രാൻസിനെ ലോകകപ്പ് സെമിയിലെത്തിച്ച എംബാപ്പെ, താൻ കളിച്ച മത്സരങ്ങളിലെ മൂന്നാം തവണയാണ് ‘മാൻ ഓഫ് ദ മാച്ച്’ പുരസ്കാരം നേടുന്നത്.
Summary: Erling Haaland has expressed frustration over the lengthy three-minute VAR delay that preceded Kylian Mbappe’s missed penalty against Morocco in the World Cup quarterfinals. Mbappe, who struggled during the wait, eventually saw his shot saved by Yassine Bounou, sparking debate among fans and experts regarding the impact of excessive VAR pauses on player focus. Despite the miss, Mbappe led France to a 2-0 victory, securing their spot in the semifinals.
