ഇനി ഓൺലൈൻ റമ്മികളി നിയമവിരുദ്ധം; സർക്കാർ വിജ്ഞാപനമിറക്കി
Feb 27, 2021, 15:52 IST
തിരുവനന്തപുരം: ഓണ്ലൈന് റമ്മി ഗെയിമുകള് നിയമവിരുദ്ധമെന്ന് സര്ക്കാര്. ഇത് സംബന്ധിച്ച് കേരള സര്ക്കാര് വിജ്ഞാപനം പുറത്തിറക്കി. 1960 ലെ കേരള ഗെയിമിങ് ആക്റ്റ് സെക്ഷന് 14എയിലാണ് ഓണ്ലൈന് റമ്മി കൂടി ഉള്പ്പെടുത്തി ഭേദഗതി വരുത്തിയാണ് പുതിയ വിജ്ഞാപനം പുറത്തിറക്കിയത്. 1960 ലെ കേരള ഗെയിമിങ് നിയമത്തില് ഓണ്ലൈന് ഗാംബ്ലിങ്, ഓണ്ലൈന് ബെറ്റിങ് എന്നിവ കൂടി ഉള്പ്പെടുത്തുന്നതില് ഉചിതമായ തീരുമാനമെടുക്കണമെന്ന് കേരള ഹൈക്കോടതി നേരത്തെ സര്ക്കാരിന് നിര്ദേശം നല്കിയിരുന്നു.