സിദ്ധാര്‍ഥന്‍റെ മരണത്തിൽ അമ്മയ്ക്ക് പ്രതികളുടെ ജാമ്യഹര്‍ജിയില്‍ കക്ഷി ചേരാന്‍ അനുവാദം നൽകി കോടതി
May 14, 2024, 15:52 IST
കൊച്ചി: വയനാട് പൂക്കോട് വെറ്ററിനറി സര്‍വകലാശാല വിദ്യാർഥിയായ സിദ്ധാര്‍ഥന്‍റെ മരണത്തിൽ പ്രതികള്‍ സമർപ്പിച്ച ജാമ്യഹർജിയിൽ സിദ്ധാർത്ഥൻ്റെ മാതാവിനെ അനുവദിച്ച് കോടതി. സിദ്ധാർഥന്‍റെ മാതാവ് ഷീബ പ്രതികളുടെ ജാമ്യാപേക്ഷയ്ക്കെതിരായി ഹൈക്കോടതിയെ സമീപിച്ചിരുന്നു. ഈ മാസം 22 നു പരിഗണിക്കാനായി ജാമ്യഹർജി മാറ്റി. പ്രതികൾ കോടതിയെ സമീപിച്ചത് റാഗിംഗ്, ആത്മഹത്യാപ്രേരണ, മര്‍ദനം, ഗൂഢാലോചന തുടങ്ങിയ കുറ്റങ്ങള്‍ ചുമത്തി തങ്ങള്‍ക്കെതിരേ രജിസ്റ്റര്‍ ചെയ്ത കേസില്‍ ജാമ്യം അനുവദിക്കണമെന്നാവശ്യപ്പെട്ടാണ്. എന്നാൽ, ഷീബ നൽകിയ ഉപഹർജിയിലെ ആരോപണം ഇപ്പോഴും മകന്‍റെ മരണകാരണം വ്യക്തമല്ലെന്നാണ്.