സിദ്ധാര്‍ഥന്‍റെ മരണം: ഹൈക്കോടതി ഇന്ന് ഏഴു പ്രതികളുടെ ജാമ്യാപേക്ഷ പരിഗണിക്കും
May 14, 2024, 13:42 IST
കൊച്ചി: പൂക്കോട് വെറ്ററിനറി സര്‍വകലാശാലയിലെ വിദ്യാർഥി സിദ്ധാര്‍ഥന്‍റെ മരണത്തില്‍ ഹൈക്കോടതി ഇന്ന് കേസിലെ ഏഴു പ്രതികളുടെ ജാമ്യാപേക്ഷ പരിഗണിക്കും. പ്രതികൾ കോടതിയെ സമീപിച്ചത് റാഗിംഗ്, ആത്മഹത്യാപ്രേരണ, മര്‍ദനം, ഗൂഢാലോചന തുടങ്ങിയ കുറ്റങ്ങള്‍ ചുമത്തി തങ്ങള്‍ക്കെതിരേ രജിസ്റ്റര്‍ ചെയ്ത കേസില്‍ ജാമ്യം അനുവദിക്കണമെന്നാവശ്യപ്പെട്ടാണ്. ഇന്ന് സി ബി ഐ ജാമ്യാപേക്ഷയിൽ തങ്ങളുടെ നിലപാട് അറിയിക്കുകയും കുറ്റപത്രത്തിന്‍റെ പകര്‍പ്പ് പ്രതികളുടെ അഭിഭാഷകര്‍ക്ക് നൽകിയോ എന്ന കാര്യത്തിൽ വ്യക്തത വരുത്തുകയും ചെയ്യും.