കോൺഗ്രസിനെതിരേ വിമർശനവുമായി മുഖ്യമന്ത്രി
Apr 4, 2024, 10:55 IST
![പുതുവത്സരാശംസ നേർന്ന് മുഖ്യമന്ത്രി പിണറായി വിജയൻ](https://timeskerala.com/static/c1e/client/91214/uploaded_original/21dd09e9789ac4db1bbb76a93af43e6c.webp)
കൊച്ചി: മുസ്ലീം ലീഗ് അടക്കമുള്ള പാര്ട്ടികളുടെ പതാക രാഹുൽ ഗാന്ധിയുടെ വയനാട്ടിലെ റാലിയില് ഒഴിവാക്കിയ നടപടിയെ വിമര്ശിച്ച് മുഖ്യമന്ത്രി പിണറായി വിജയന്. അദ്ദേഹം പറഞ്ഞത് പതാക ഒഴിവാക്കിയത് ഭീരുത്ത്വമാണെന്നാണ്. ലീഗിന്റെ വോട്ട് വേണം, പതാക വേണ്ട എന്നതാണ് കോൺഗ്രസ്സിൻ്റെ നിലപാടെന്നും ഇന്ത്യന് പാര്ട്ടിയുടെ കൊടിയാണ് ലീഗ് പതാകയെന്ന് കോണ്ഗ്രസ് പറയണമായിരുന്നുവെന്നും മുഖ്യമന്ത്രി വിമർശിച്ചു. കൂടാതെ സ്വന്തം പതാക പോലും വര്ഗീയവാദികളെ ഭയന്ന് കോണ്ഗ്രസ് ഒഴിവാക്കിയെന്നും അദ്ദേഹം പറഞ്ഞു. സ്വന്തം പതാക ഉയർത്തിപ്പിടിക്കാൻ കഴിയാത്ത പാർട്ടിയായി കോണ്ഗ്രസ് മാറിയെന്നും അസ്തിത്ത്വം പണയം വയ്ക്കുന്ന നടപടിയാണിതെന്നും പറഞ്ഞ പിണറായി സംഘപരിവാറിൻ്റെ ത്രിവര്ണ പതാക ഉപേക്ഷിക്കണമെന്ന ആവശ്യത്തിന് വഴങ്ങുകയാണോയെന്ന ചോദ്യവുമുന്നയിച്ചു.