കൽക്കി 2898 എഡിയുടെ കേരള വിതരണ അവകാശം വേഫെറർ ഫിലിംസ് സ്വന്തമാക്കി
പ്രഭാസ് നായകനായ കൽക്കി 2898 എഡിയുടെ നിർമ്മാതാക്കൾ ഒടുവിൽ ചിത്രത്തിൻ്റെ ട്രെയിലർ ഇന്നലെ റിലീസ് ചെയ്തു. ബ്രഹ്മാണ്ഡ ചിത്രമായി കണക്കാക്കുന്ന ചിത്രത്തിൻറെ സെറ്റും മേക്കിങ്ങും എല്ലാം വളരെ മികച്ചതാണെന്ന് ട്രെയ്‌ലർ കാണിക്കുന്നു. അതിനാൽ ചിത്രത്തിൻറെ റിലീസിനായുള്ള കാത്തിരിപ്പിലാണ് ആരാധകർ.
ഇപ്പോൾ സിനിമയുടെ പുതിയ അപ്‌ഡേറ്റ് പുറത്തുവിട്ടു. കൽക്കി 2898 എഡിയുടെ കേരള വിതരണ അവകാശം ദുൽഖറിന്റെ വേഫെറർ ഫിലിംസ് സ്വന്തമാക്കി ചലസാനി അശ്വിനി ദത്ത്, സ്വപ്ന ദത്ത്, പ്രിയങ്ക ദത്ത് എന്നിവർ ചേർന്നാണ് ചിത്രം നിർമ്മിക്കുന്നത്. 2018-ൽ മഹാനടി എന്ന ചിത്രത്തിലൂടെ തൻ്റെ ഫീച്ചർ സിനിമയിൽ അരങ്ങേറ്റം കുറിച്ച ചലച്ചിത്ര സംവിധായകൻ നാഗ് അശ്വിൻ ആണ് കൽക്കി 2898 എഡിയുടെ സംവിധായകൻ. സയന്‍സ് ഫിക്ഷന്‍ വിഭാഗത്തില്‍പ്പെടുന്ന ചിത്രം 600 കോടി എന്ന വമ്പന്‍ ബഡ്ജറ്റിലാണ് ഒരുങ്ങുന്നത്. ഭൈരവ എന്ന കഥാപാത്രമായാണ് പ്രഭാസ് എത്തുന്നത്.
ജൂണ്‍ 27 നാണ് ചിത്രം തീയേറ്ററുകളില്‍ എത്തുന്നത്.ഇതിഹാസ കാവ്യമായ മഹാഭാരത കാലത്ത് തുടങ്ങുന്നതായിരിക്കും കല്‍ക്കി 2898 എഡിയുടെ പ്രമേയമെന്ന് സംവിധായകൻ നാഗ് അശ്വിൻ വ്യക്തമാക്കിയിരുന്നു.