14 കോടിയുടെ ബംഗ്ലാവ് വാങ്ങി ട്രിപ്തി ദിമ്രി 

മുംബൈയിലെ ബാന്ദ്രയിലെ പോഷ് ഏരിയയിൽ 14 കോടി രൂപ വിലമതിക്കുന്ന ഒരു ബംഗ്ലാവ്  ആനിമൽ നടി ട്രിപ്തി ദിമ്രി വാങ്ങി. ഷാരൂഖ് ഖാൻ, സൽമാൻ ഖാൻ, രേഖ തുടങ്ങിയ സെലിബ്രിറ്റികളുടെ വീടുകൾ ഉള്ള കാർട്ടർ റോഡിന് തൊട്ടുപുറത്താണ് അവരുടെ വീട് സ്ഥിതി ചെയ്യുന്നത്. ട്രിപ്തിയുടെ ആനിമൽ സഹനടൻ രൺബീർ കപൂറും ഭാര്യ ആലിയ ഭട്ടും ഇതേ പ്രദേശത്താണ് താമസിക്കുന്നത്.

  പ്രോപ്പർട്ടി രജിസ്‌ട്രേഷൻ രേഖകൾ പ്രകാരം, ബംഗ്ലാവ് ഗ്രൗണ്ട് പ്ലസ് ടു-സ്റ്റോർ സ്ട്രക്ച്ചറാണ്, മൊത്തം വിസ്തീർണ്ണം 2,226 ചതുരശ്ര അടിയാണ്. ട്രിപ്തി സ്റ്റാമ്പ് ഡ്യൂട്ടി ഇനത്തിൽ 70 ലക്ഷം രൂപയും രജിസ്ട്രേഷൻ ഫീസായി 30,000 രൂപയും അടച്ചതായി റിപ്പോർട്ട് അവകാശപ്പെടുന്നു. ജൂൺ മൂന്നിനാണ് ഇടപാട് രജിസ്റ്റർ ചെയ്തത്.