ഹൈദരാബാദ്: തന്റെ പുതിയ ചിത്രമായ കറുപ്പിന്റെ പ്രീ-റിലീസ് ചടങ്ങിനിടെ വേദിയിലേക്ക് ഓടിക്കയറിയ ആരാധകനോട് നടൻ സൂര്യ കാണിച്ച മാന്യത വലിയ ചർച്ചയാകുന്നു (Suriya Fan Viral Video). സുരക്ഷാ ഉദ്യോഗസ്ഥർ തടയാൻ ശ്രമിച്ചിട്ടും അവരെ വിലക്കി ആരാധകനെ ചേർത്തുപിടിച്ച സൂര്യയുടെ പ്രവർത്തിയെ വാനോളം പുകഴ്ത്തുകയാണ് സിനിമാലോകം.
ചടങ്ങിനിടെ സുരക്ഷാ ഉദ്യോഗസ്ഥരെ വെട്ടിച്ച് വേദിയിലെത്തിയ ആരാധകൻ സൂര്യയുടെ കാലിൽ വീഴുകയായിരുന്നു. സെക്യൂരിറ്റി ജീവനക്കാർ ഇയാളെ ബലം പ്രയോഗിച്ച് മാറ്റാൻ ശ്രമിച്ചപ്പോൾ, സൂര്യ ഇടപെടുകയും അവരോട് മാറിനിൽക്കാൻ ആവശ്യപ്പെടുകയും ചെയ്തു. തുടർന്ന് ആരാധകനൊപ്പം സെൽഫി എടുത്ത ശേഷമാണ് താരം അദ്ദേഹത്തെ മടക്കി അയച്ചത്.
ചടങ്ങിൽ അതിഥിയായി എത്തിയ സഹോദരനും നടനുമായ കാർത്തി സൂര്യയുടെ പ്രകടനത്തെക്കുറിച്ച് വാചാലനായി. “ഈ ലുക്കിൽ ചേട്ടനെ ആരും കണ്ടിട്ടില്ല. അതും ആ അരിവാളും സിഗാറുമായി നിൽക്കുന്ന രംഗങ്ങൾ വേറെ ലെവലാണ്. സിനിമയിലെ പ്രകടനം ‘ഗോഡ് ലെവൽ’ ആണ്,” കാർത്തി പറഞ്ഞു. ബാഹുബലിയിലെ പ്രഭാസിന്റെ പ്രകടനത്തോട് സമാനമായ ചില മാസ് രംഗങ്ങൾ ചിത്രത്തിലുണ്ടെന്നും അദ്ദേഹം വെളിപ്പെടുത്തി.
A fan rushed to the stage, touched #Suriya’s feet in admiration 🙏
Suriya, with his humble gesture, took a selfie with him along with #Karthi 📸✨#Karuppu pic.twitter.com/Qh4hpleOn3— Balaji (@RDBalaji) May 12, 2026
നീണ്ട 20 വർഷങ്ങൾക്ക് ശേഷം സൂര്യയും തൃഷയും വീണ്ടും ഒന്നിക്കുന്നു എന്നതാണ് ഈ ചിത്രത്തിന്റെ ഹൈലൈറ്റ്.കറുപ്പു സ്വാമി എന്ന വേഷത്തിൽ സൂര്യ എത്തുന്നു സൂര്യയുടെ വേറിട്ട ഗെറ്റപ്പും കാർത്തിയുടെ വൈകാരികമായ പ്രസംഗവും ചിത്രത്തെക്കുറിച്ചുള്ള പ്രതീക്ഷകൾ വർധിപ്പിച്ചിരിക്കുകയാണ്.
News Summary: A video of actor Suriya’s heartwarming gesture towards a fan during the pre-release event of his upcoming film Karuppu has gone viral. When a fan broke through security to fall at Suriya’s feet, the actor intervened to stop guards from pulling him away and instead posed for a selfie. Suriya’s brother, Karthi, who attended the event, praised Suriya’s “God-level” performance as Karuppu Swamy, comparing some scenes to the intensity of ‘Baahubali.’ The film also marks the much-anticipated onscreen reunion of Suriya and Trisha after 20 years.
