ചെന്നൈ: താൻ ഗർഭിണിയാണെന്നും സിനിമാ രംഗത്ത് നിന്ന് താൽക്കാലിക ഇടവേള എടുക്കുകയാണെന്നും നടി സമാന്ത റൂത്ത് പ്രഭു അറിയിച്ചു (Samantha Ruth Prabhu). പുതിയ ചിത്രം മാ ഇൻടി ബംഗാരം വിജയാഘോഷ ചടങ്ങിനിടെയാണ് താരം ഈ സന്തോഷവാർത്ത പങ്കുവെച്ചത്.
നിലവിലെ സാഹചര്യങ്ങൾ പരിഗണിച്ച് സിനിമാ പ്രവർത്തനങ്ങളിൽ നിന്ന് കുറച്ചുകാലം വിട്ടുനിൽക്കേണ്ടിവരുമെന്ന് സമാന്ത പറഞ്ഞു. മാ ഇൻടി ബംഗാരം റിലീസിന് ശേഷം പ്രസവാവധിയിലേക്ക് പ്രവേശിക്കുമെന്നും, അതിനുശേഷം പുതിയ പ്രോജക്ടുകളുമായി തിരിച്ചെത്തുമെന്നും താരം വ്യക്തമാക്കി.
കഴിഞ്ഞ കുറച്ച് ദിവസങ്ങളായി സമാന്തയുടെ ഗർഭധാരണത്തെക്കുറിച്ചുള്ള അഭ്യൂഹങ്ങൾ സമൂഹമാധ്യമങ്ങളിൽ വ്യാപകമായി പ്രചരിച്ചിരുന്നു. ചിത്രത്തിന്റെ വിജയാഘോഷ പരിപാടികളിൽ പങ്കെടുത്ത താരത്തിന്റെ ചിത്രങ്ങളും വീഡിയോകളുമാണ് ഇത്തരം ചർച്ചകൾക്ക് വഴിവെച്ചത്.
ഇതിനിടെ, ചിത്രത്തിന്റെ സംവിധായിക ബി.വി. നന്ദിനി റെഡ്ഡിയും സമാന്തയുടെ ജീവിതത്തിലെ പുതിയ സന്തോഷത്തെക്കുറിച്ച് പരാമർശിച്ചിരുന്നു. സിനിമയുടെ വിജയത്തിനൊപ്പം താരത്തിന്റെ വ്യക്തിജീവിതത്തിലും സന്തോഷകരമായ ഒരു ഘട്ടം ആരംഭിച്ചുവെന്നായിരുന്നു അവരുടെ പ്രതികരണം.
I have to take maternity leave from now,Thankyou for your wishes about my personal happiness…
Actress @Samanthaprabhu2 revealed about her pregnancy news and its completely true…#Samantha #MaaIntiBangaaram pic.twitter.com/eYyd0ECJwU
— Karthikuuu (@Anchor_Karthik_) June 24, 2026
പ്രശസ്ത സംവിധായകനും നിർമാതാവുമായ രാജ് നിഡിമോരുവാണ് സമാന്തയുടെ ഭർത്താവ്. 2025 ഡിസംബറിൽ കോയമ്പത്തൂരിലെ ഈശ യോഗ സെന്ററിൽ വച്ചായിരുന്നു ഇരുവരുടെയും വിവാഹം. ദീർഘകാല സൗഹൃദത്തിനും ഒരുമിച്ചുള്ള സൃഷ്ടിപരമായ യാത്രകൾക്കുമൊടുവിലാണ് ബന്ധം വിവാഹത്തിലേക്ക് എത്തിയത്.
ദി ഫാമിലി മാൻ 2, സിറ്റാഡൽ: ഹണി ബണ്ണി തുടങ്ങിയ ശ്രദ്ധേയ പ്രോജക്ടുകളിൽ ഒരുമിച്ച് പ്രവർത്തിച്ച അനുഭവമാണ് ഇരുവരെയും കൂടുതൽ അടുത്തതാക്കിയത്. സമാന്തയുടെ പുതിയ ജീവിതഘട്ടത്തിനായി ആരാധകരും സഹപ്രവർത്തകരും ആശംസകൾ നേർന്നു.
Story Summary: Actress Samantha Ruth Prabhu has announced that she is pregnant and will be taking a temporary break from films. The actress shared the news during the success celebration of her latest film Maa Inti Bangaram.
