റിവ്യു ബോംബിങ്: യൂട്യൂബർ അശ്വന്ത് കോക്കിനെതിരെ പരാതി നൽകി നിർമാതാവ് സിയാദ് കോക്കർ
May 15, 2024, 15:49 IST
കൊച്ചി: വീണ്ടും റിവ്യു ബോംബിങ് പരാതിയുയർന്നിരിക്കുകയാണ്. അശ്വന്ത് കോക്ക് എന്ന യുട്യൂബർക്കെതിരെ കൊച്ചി സിറ്റി പൊലിസ് കമ്മിഷണർക്ക് പരാതി നൽകിയത് നിർമാതാവ് സിയാദ് കോക്കറാണ്. പരാതി 'മാരിവില്ലിൻ ഗോപുരങ്ങൾ' എന്ന സിനിമ റിലീസായ ഉടൻ റിവ്യൂ ബോംബിങ് നടത്തിയതായാണ്. വീണ്ടും റിവ്യൂ ബോംബിങ് പരാതി ഉയരുന്നത് മലയാള സിനിമ പ്രതിസന്ധികളെയെല്ലാം മറികടന്ന് മുന്നേറുന്ന അവസരത്തിലാണ്. സിനിമ റിലീസ് ആയി പിറ്റേ ദിവസം തന്നെ ഉള്ളടക്കം മനസ്സിലാകുന്ന തരത്തിൽ റിവ്യൂ ബോംബിങ് നടത്തിയെന്നു പറയുന്ന പരാതിയിൽ ചില നിക്ഷിപ്ത താല്പര്യക്കാർ മലയാള സിനിമയെ നശിപ്പിക്കുന്നതിനായി ഹൈക്കോടതി അടക്കം ഇടപെട്ടിട്ടുപോലും ബോധപൂർവ്വം ഇറങ്ങിത്തിരിച്ചിരിക്കുന്നുവെന്നും സൂചിപ്പിക്കുന്നു. നിർമ്മാതാവിൻ്റെ തീരുമാനം പോലീസിൻ്റെ ഭാഗത്തു നിന്ന് നിയമസഹായം ലഭിക്കാത്തപക്ഷം മുഖ്യമന്ത്രിയെ സമീപിക്കാനാണ്.