നടൻ ഉണ്ണി മുകുന്ദനുമായുള്ള തന്റെ ഏഴുവർഷത്തെ സൗഹൃദത്തെക്കുറിച്ച് മനസ്സ് തുറന്ന് നടി പ്രാചി തെഹ്ലാൻ. ‘മാമാങ്കം’ എന്ന ചിത്രത്തിന്റെ സെറ്റിൽ വെച്ച് തുടങ്ങിയ ഈ സൗഹൃദം സിനിമയ്ക്കും അപ്പുറമുള്ള ഒരു ആത്മബന്ധമായി വളർന്നുവെന്ന് നടി ഇൻസ്റ്റാഗ്രാമിൽ പങ്കുവെച്ച കുറിപ്പിൽ പറയുന്നു ( Prachi Tehlan Unni Mukundan friendship). ഉണ്ണി മുകുന്ദന്റെ സ്ക്രീനിന് പുറത്തുള്ള യഥാർത്ഥ വ്യക്തിത്വത്തെക്കുറിച്ചും, അദ്ദേഹത്തിന്റെ കഠിനാധ്വാനത്തെക്കുറിച്ചും വാചാലയായ പ്രാചി, തങ്ങളുടെ സൗഹൃദത്തിലെ ചില രസകരമായ നിമിഷങ്ങളും പങ്കുവെച്ചു.
2018-ൽ ‘ചാണക്യതന്ത്രം’ സിനിമയുടെ പോസ്റ്ററിൽ ഉണ്ണിയെ കണ്ടപ്പോൾ തന്നെ അദ്ദേഹത്തിന്റെ അഭിനയമികവിനെക്കുറിച്ച് തനിക്ക് കൗതുകമുണ്ടായിരുന്നെന്ന് പ്രാചി കുറിക്കുന്നു. പിന്നീട് 2019-ൽ ‘മാമാങ്കം’ സിനിമയുടെ സെറ്റിൽ വെച്ചാണ് ഇരുവരും നേരിൽ കാണുന്നതും സൗഹൃദം ആരംഭിക്കുന്നതും. സെറ്റിൽ വെച്ച് ഹിന്ദിയിൽ അനായാസം സംസാരിക്കാൻ സാധിച്ചതാണ് സൗഹൃദം വേഗത്തിൽ വളരാൻ സഹായിച്ചതെന്നും നടി ഓർക്കുന്നു.
“സ്ക്രീനിന് പുറത്ത് കുട്ടിത്തം നിറഞ്ഞ നിഷ്കളങ്കത എപ്പോഴും കണ്ണുകളിൽ സൂക്ഷിക്കുന്ന സുഹൃത്താണ് ഉണ്ണി. ചിലർക്ക് അവൻ ശാഠ്യക്കാരനായി തോന്നിയേക്കാം, പക്ഷേ അതാണ് അവനെ മറ്റുള്ളവരിൽ നിന്ന് വ്യത്യസ്തനാക്കുന്നത്,” എന്ന് പ്രാചി വ്യക്തമാക്കുന്നു. സിനിമാ പാരമ്പര്യമില്ലാതെ സ്വന്തം പ്രയത്നം കൊണ്ട് മാത്രം സിനിമയിൽ നിലയുറപ്പിച്ച ഉണ്ണിയുടെ കഠിനാധ്വാനത്തെ താരം വലിയൊരു കാര്യമായി കാണുന്നു. മണിക്കൂറുകളോളം സംസാരിച്ചിരിക്കാനും, പരസ്പരം കളിയാക്കാനും, തനിക്ക് ഏറ്റവും പ്രിയപ്പെട്ട ‘ടീ ഡേറ്റുകൾക്ക്’ കൊണ്ടുപോകാനും ഉണ്ണി എപ്പോഴും കൂടെയുണ്ടെന്നും താരം സന്തോഷത്തോടെ പങ്കുവെക്കുന്നു. ഉണ്ണി മുകുന്ദൻ ഫിലിംസിന്റെ ഭാവി സംരംഭങ്ങൾക്ക് എല്ലാവിധ ആശംസകളും നേർന്നുകൊണ്ടാണ് പ്രാചി തന്റെ കുറിപ്പ് അവസാനിപ്പിക്കുന്നത്.
Summary: Actress Prachi Tehlan recently shared a heartfelt Instagram post celebrating her seven-year-long friendship with actor Unni Mukundan, which began on the sets of the film ‘Mamangam’ in 2019. Describing him as a “genuine human being” and a self-made actor who maintains a childlike innocence off-screen, Prachi highlighted their simple and fun-filled bond, which includes their shared love for “tea dates.” She praised his dedication and hard work as a first-generation actor and expressed her unwavering support for his future endeavors as an actor and producer.
