തിരുവനന്തപുരം: അന്തരിച്ച മലയാളത്തിന്റെ പ്രിയനടൻ സലിം കുമാറിന്റെ സ്മരണാർത്ഥം എറണാകുളം ജില്ലയിൽ സ്മാരകം നിർമ്മിക്കുമെന്ന് സർക്കാർ പ്രഖ്യാപിച്ചു. മുഖ്യമന്ത്രി വി.ഡി. സതീശൻ അവതരിപ്പിച്ച യുഡിഎഫ് സർക്കാരിന്റെ ആദ്യ ബജറ്റിലാണ് ഇതിനായി 1 കോടി രൂപ വകയിരുത്തിയത്. സലിം കുമാറിന് ആദരമർപ്പിക്കുന്നതിന്റെ ഭാഗമായാണ് ഈ തീരുമാനം.(UDF Government Budget 2026 Announces Salim Kumar Memorial and Cultural Projects)
മലയാള സിനിമയുടെയും കലയുടെയും വളർച്ച ലക്ഷ്യമിട്ട് നിരവധി പദ്ധതികളാണ് മുഖ്യമന്ത്രി ബജറ്റിലൂടെ അവതരിപ്പിച്ചത്. കൊച്ചിയിൽ അത്യാധുനിക സൗകര്യങ്ങളോടെയുള്ള ഫിലിം സിറ്റി സ്ഥാപിക്കാൻ 100 കോടി രൂപ വകയിരുത്തി. കൂടാതെ, മലയാള സിനിമയുടെ പിതാവ് ജെ.സി. ഡാനിയേലിന്റെ സ്മരണാർത്ഥം ‘ചിത്രനഗരം’ പദ്ധതിയും നടപ്പിലാക്കും.
കോഴിക്കോട് സാഹിത്യകാരൻ എം.ടി. വാസുദേവൻ നായരുടെ പേരിൽ 50 കോടി രൂപ ചെലവിൽ കൾച്ചറൽ പാർക്ക് നിർമ്മിക്കും. ജെൻ സി തലമുറയിലെ കലാകാരന്മാർക്ക് തങ്ങളുടെ കഴിവുകൾ പ്രകടിപ്പിക്കാനുള്ള പ്രത്യേക വേദികൾ ഇവിടെ ഒരുക്കും. അന്തരിച്ച പ്രശസ്ത സംഗീത സംവിധായകൻ ജോൺസൺ മാസ്റ്ററുടെ ഓർമ്മയ്ക്കായി തൃശൂരിൽ അത്യാധുനിക മ്യൂസിക് അക്കാദമി സ്ഥാപിക്കും.
Story Summary
The first budget presented by the V.D. Satheesan-led UDF government honors the late actor Salim Kumar with a ₹1 crore memorial in Ernakulam. The budget further boosts the cultural sector with a ₹100 crore ‘Film City’ in Kochi, an M.T. Vasudevan Nair cultural park in Kozhikode, and a new music academy in Thrissur to commemorate Johnson Master.
