കൊച്ചി: അഭിനയത്തിലും നൃത്തത്തിലും ഒരുപോലെ സജീവമായ നടി നവ്യ നായർ പങ്കുവെച്ച പുതിയ സോഷ്യൽ മീഡിയ പോസ്റ്റ് ശ്രദ്ധേയമാകുന്നു (Navya Nair). തന്റെ നൃത്ത വിദ്യാലയമായ ‘മാതംഗി’യുടെ പ്രവർത്തനങ്ങളും സ്റ്റേജ് പ്രോഗ്രാമുകളുമായി തിരക്കിലായ താരം, നൃത്തവേഷത്തിലുള്ള ചിത്രങ്ങൾക്കൊപ്പമാണ് മനസ്സ് തുറന്നത്.
“ദൈവം വേദനയെ സമാധാനമാക്കി മാറ്റുമ്പോൾ ആ തിളക്കം ഒന്ന് വേറെതന്നെയാണ്. ഹൃദയത്തിൽ കൃപയും ചുവടുകളിൽ അഗ്നിയുമായി- അങ്ങനെയാണ് ഞാൻ ഉയർത്തെഴുന്നേൽക്കുന്നത്” – നവ്യ കുറിച്ചു. ജീവിതത്തിലെ പ്രതിസന്ധികളെയും വേദനകളെയും കലയിലൂടെയും ഈശ്വരവിശ്വാസത്തിലൂടെയും അതിജീവിച്ച് മുന്നേറുന്നതിനെക്കുറിച്ചാണ് താരം സൂചിപ്പിക്കുന്നത്.
നീണ്ട ഇടവേളയ്ക്ക് ശേഷം സിനിമയിൽ തിരിച്ചെത്തിയ നവ്യ, ശക്തമായ കഥാപാത്രങ്ങളിലൂടെ പ്രേക്ഷകരെ വിസ്മയിപ്പിക്കുകയാണ്. ‘പുഴു’ എന്ന ചിത്രത്തിന് ശേഷം റത്തീന സംവിധാനം ചെയ്ത ‘പാതിരാത്രി’ ആണ് നവ്യയുടേതായി ഏറ്റവും ഒടുവിൽ പുറത്തിറങ്ങിയ ചിത്രം. സിനിമയ്ക്ക് പുറമെ ടെലിവിഷൻ ഷോകളിലും നൃത്ത പരിപാടികളിലും താരം സജീവ സാന്നിധ്യമാണ്.
View this post on Instagram
Story Summary: Actress Navya Nair’s latest Instagram post featuring her dance photos and an emotional caption about overcoming pain and rising with grace has gone viral. The actress, who was recently seen in the movie ‘Pathirathri’, continues to balance her acting career and her dance school, Matangi.
