മിഥുൻ ചക്രവർത്തി ആശുപത്രി വിട്ടു

മുതിർന്ന നടൻ മിഥുൻ ചക്രവർത്തി തിങ്കളാഴ്ച ഉച്ചയോടെ ആശുപത്രി വിട്ടു. താൻ തികച്ചും സുഖമായിരിക്കുന്നുവെന്നും വരാനിരിക്കുന്ന ചിത്രങ്ങളുടെ ഷൂട്ടിംഗ് ഉടൻ പുനരാരംഭിക്കുമെന്നും ബിജെപി നേതാവ് ഉറപ്പിച്ചു പറഞ്ഞു.

കടുത്ത നെഞ്ചുവേദനയെ തുടർന്ന് ഫെബ്രുവരി 10ന് കൊൽക്കത്തയിലെ സ്വകാര്യ ആശുപത്രിയിൽ 73 കാരനായ ചക്രവർത്തിയെ പ്രവേശിപ്പിച്ചിരുന്നു.എംആർഐ ഉൾപ്പെടെയുള്ള ക്ലിനിക്കൽ ടെസ്റ്റുകളുടെ ഒരു പരമ്പരയ്ക്ക് അദ്ദേഹം വിധേയനായതായി മെഡിക്കൽ സ്ഥാപനത്തിലെ മുതിർന്ന ഉദ്യോഗസ്ഥൻ പറഞ്ഞു.
കഴിഞ്ഞ ദിവസം മുതിർന്ന ഡോക്ടർമാരും തെറാപ്പിസ്റ്റുകളും അദ്ദേഹത്തിൻ്റെ ആരോഗ്യനില അവലോകനം ചെയ്തിരുന്നു. പ്രധാനമന്ത്രി നരേന്ദ്ര മോദി ഞായറാഴ്ച തന്നെ ഫോണിൽ വിളിച്ചിരുന്നുവെന്നും ആരോഗ്യം ശ്രദ്ധിക്കാത്തതിന് തനിക്ക് ശകാരമുണ്ടായെന്നും ചക്രവർത്തി പറഞ്ഞു.