ചെന്നൈ: തമിഴ്നാട് മുഖ്യമന്ത്രിയും നടനുമായ വിജയ്യുടെ സിനിമാ ജീവിതത്തിലെ അവസാന ചിത്രമായ ‘ജനനായകൻ’ ഒടുവിൽ തിയേറ്ററുകളിലേക്ക്. ചിത്രം ജൂലൈ 23-ന് ലോകമെമ്പാടുമുള്ള തിയേറ്ററുകളിൽ റിലീസ് ചെയ്യുമെന്ന് നിർമ്മാതാക്കളായ കെവിഎൻ പ്രൊഡക്ഷൻസ് ഔദ്യോഗികമായി പ്രഖ്യാപിച്ചു. മാസങ്ങൾ നീണ്ട സെൻസർ ബോർഡ് തർക്കങ്ങൾക്കും നിയമപോരാട്ടങ്ങൾക്കും ഒടുവിലാണ് ചിത്രം തിയേറ്ററുകളിലെത്തുന്നത്.(Jana Nayagan Release Date, Thalapathy Vijay final movie release date announced)
എച്ച്. വിനോദ് സംവിധാനം ചെയ്ത ചിത്രം 2026 ജനുവരിയിൽ പൊങ്കൽ റിലീസായി നിശ്ചയിച്ചിരുന്നതാണെങ്കിലും സെൻസർ ബോർഡ് തടഞ്ഞതിനെ തുടർന്ന് വൈകുകയായിരുന്നു. ഇതിനിടെ സുപ്രീം കോടതി വരെ നീണ്ട നിയമപോരാട്ടങ്ങൾക്കും തമിഴ്നാട് സാക്ഷ്യം വഹിച്ചു. ഏപ്രിലിൽ ചിത്രത്തിന്റെ സെൻസർ ചെയ്യാത്ത എഡിറ്റിംഗ് കോപ്പി ഓൺലൈനിൽ ചോർന്നതും വലിയ വിവാദമായിരുന്നു.
തുടർന്ന് തമിഴ്നാട് പോലീസ് നടത്തിയ അന്വേഷണത്തിൽ ഫ്രീലാൻസ് എഡിറ്റർ ഉൾപ്പെടെയുള്ളവർ അറസ്റ്റിലായി. നടൻ എന്ന നിലയിൽ വിജയ്യുടെ അവസാന ചിത്രമെന്ന പ്രത്യേകതയ്ക്ക് പുറമെ, അദ്ദേഹം തമിഴ്നാട് നിയമസഭാ തിരഞ്ഞെടുപ്പിൽ വിജയിച്ച് മുഖ്യമന്ത്രിയായ ശേഷമുള്ള ആദ്യ റിലീസ് കൂടിയാണിത്. അതുകൊണ്ടുതന്നെ അതിവേഗത്തിലാണ് ബോക്സ് ഓഫീസിൽ ഇതിനായുള്ള ഹൈപ്പ് ഉയരുന്നത്.
Story Summary
Tamil Nadu Chief Minister Vijay’s final film ‘Jana Nayagan’, directed by H. Vinoth, is officially scheduled to release in theatres on July 23 after facing severe censorship delays and legal battles. The highly anticipated political actioner, which secured an ‘A’ certificate, marks Vijay’s final onscreen appearance following his historic election victory.
