സിനിമ-സീരിയൽ സംവിധായകൻ ബിജു വട്ടപ്പാറ കുഴഞ്ഞുവീണു മരിച്ചു
May 14, 2024, 12:44 IST
മൂവാറ്റുപുഴ: സിനിമ-സീരിയൽ സംവിധായകനായ ബിജു വട്ടപ്പാറ (54) കുഴഞ്ഞുവീണ് മരണപ്പെട്ടു. എഴുത്തുകാരനുമാണ്. കുഴഞ്ഞുവീണത് ഒരു കേസിന്‍റെ ആവശ്യത്തിനായി മൂവാറ്റുപുഴയിൽ അഭിഭാഷകനെ കാണാനെത്തിയപ്പോഴാണ്. തുടർന്ന് ഉടൻ തന്നെ ആശുപത്രിയിലെത്തിച്ചെങ്കിലും മരണം സംഭവിച്ചു. അദ്ദേഹം സംവിധാനം ചെയ്ത സിനിമകൾ സുരേഷ് ഗോപി നായകനായ രാമരാവണൻ, സ്വന്തം ഭാര്യ സിന്ദാബാദ് തുടങ്ങിയവയാണ്. കൂടാതെ, തിരക്കഥയെഴുതിയിട്ടുള്ളത് കലാഭവൻ മണി നായകനായ ലോകനാഥൻ ഐ എ എസ്, കളഭം എന്നീ സിനിമകൾക്കാണ്.