നെഞ്ചുവേദന; നടൻ മിഥുൻ ചക്രവർത്തി ആശുപത്രിയിൽ
Feb 10, 2024, 14:11 IST
![നെഞ്ചുവേദന; നടൻ മിഥുൻ ചക്രവർത്തി ആശുപത്രിയിൽ](https://timeskerala.com/static/c1e/client/91214/uploaded/d988e79b041fd80ce608d34a7fa16db9.jpeg)
മുതിർന്ന ബോളിവുഡ് നടൻ മിഥുൻ ചക്രവർത്തിയെ നെഞ്ചുവേദനയെ തുടർന്ന് കൊൽക്കത്തയിലെ ആശുപത്രിയിൽ പ്രവേശിപ്പിച്ചു. ശാരീരിക അസ്വസ്ഥത അനുഭവപ്പെട്ടതിനെ തുടർന്നാണ് അദ്ദേഹത്തെ ആശുപത്രിയിൽ പ്രവേശിപ്പിക്കുന്നത്. നിലവിൽ അദ്ദേഹം ചികിത്സയിലാണ്. ആരോഗ്യനില ആശങ്കാജനകമാണ് എന്നാണ് ഏറ്റവും ഒടുവിൽ ലഭിക്കുന്ന വാർത്ത.
![](https://timeskerala.com/static/c1e/static/themes/16/91214/3752/images/New-Creative-.png)
മിഥുൻ ചക്രവർത്തിയുടെ കുടുംബം ഇക്കാര്യത്തിൽ സ്ഥിരീകരണമോ ഔദ്യോഗിക പ്രസ്താവന ഇറക്കുകയോ ചെയ്തിട്ടില്ല. മിഥുൻ ചക്രവർത്തിക്ക് 2024 ജനുവരിയിൽ പദ്മഭൂഷൺ നൽകി രാജ്യം ആദരിച്ചിരുന്നു. അടുത്തിടെ ‘ഡാൻസ് ബംഗ്ലാ ഡാൻസ്’ എന്ന ഷോയിൽ ജഡ്ജ് ആയിരുന്നു അദ്ദേഹം. ഒന്നിലധികം ഇന്ത്യൻ ഭാഷകളിലായി 350-ലധികം സിനിമകൾ വ്യാപിച്ചുകിടക്കുന്ന ശ്രദ്ധേയമായ കരിയർ ആണ് മിഥുൻ ചക്രവർത്തിയുടേത്.