നടൻ പ്രേംജി അമരൻ വിവാഹിതനായി
Jun 9, 2024, 16:58 IST
![നടൻ പ്രേംജി അമരൻ വിവാഹിതനായി](https://timeskerala.com/static/c1e/client/91214/uploaded/4e5ea3f78f883550195a16148ea1bb8c.png)
തമിഴ് നടനും സംഗീത സംവിധായകനുമായ പ്രേംജി അമരൻ വിവാഹിതനായി. ഏറെനാളായി സുഹൃത്തായിരുന്ന ഇന്ദുവാണ് പ്രേംജിയുടെ വധു. 45-ാം വയസിലാണ് താരം വിവാഹിതനാകുന്നത്. ഞായറാഴ്ച നടന്ന ചടങ്ങിൽ അടുത്ത ബന്ധുക്കളും സുഹൃത്തുക്കളും പങ്കെടുത്തു. ഗാനരചയിതാവായ ഗംഗൈ അമരന്റെ മകനാണ് പ്രേംജി അമരൻ.
![](https://timeskerala.com/static/c1e/static/themes/16/91214/3752/images/New-Creative-.png)
സംവിധായകൻ വെങ്കട്ട് പ്രഭുവാണ് പ്രേംജിയുടെ സഹോദരൻ. പ്രേംജി വിവാഹിതനാവാൻ പോകുന്ന വാർത്ത ഏതാനും ദിവസങ്ങൾക്കു മുൻപ് വെങ്കട്ട് പ്രഭു സോഷ്യൽ മീഡിയയിലൂടെ അറിയിച്ചിരുന്നു. വെങ്കട്ട് പ്രഭുവിന്റെ ചിത്രങ്ങളിലൂടെയാണ് പ്രേംജി അഭിനേതാവെന്ന നിലയിൽ ശ്രദ്ധിക്കപ്പെട്ടത്.