മുംബൈ: ബോളിവുഡിൽ ഒരുകാലത്ത് ഏറെ ചർച്ചയായ പ്രണയബന്ധമായിരുന്നു അഭിഷേക് ബച്ചന്റെയും കരിഷ്മ കപൂറിന്റെയുംത്. വിവാഹനിശ്ചയം വരെ എത്തിയ ഈ ബന്ധം പിന്നീട് വേർപിരിഞ്ഞത് ആരാധകരെ ഏറെ അമ്പരപ്പിച്ചിരുന്നു. ഇപ്പോഴിതാ, ഇരുവരും പിരിയാനിടയായ സാഹചര്യങ്ങളെക്കുറിച്ച് നിർമാതാവും സംവിധായകനുമായ സുനീൽ ദർശൻ തുറന്നുപറഞ്ഞിരിക്കുകയാണ്. (Abhishek Bachchan Karisma Kapoor Breakup)
ഒരു ഹിന്ദി യൂട്യൂബ് ചാനലിന് നൽകിയ അഭിമുഖത്തിലാണ് അഭിഷേകിന്റെയും കരിഷ്മയുടെയും ബന്ധത്തെക്കുറിച്ച് സുനീൽ ദർശൻ പ്രതികരിച്ചത്. ഇരുവരും വിവാഹം വേണ്ടെന്ന തീരുമാനമെടുത്ത സമയത്ത് താൻ യാദൃശ്ചികമായി കരിഷ്മയുടെ വീട്ടിലുണ്ടായിരുന്നുവെന്നും അദ്ദേഹം പറഞ്ഞു. ‘ഏക് റിഷ്താ’ എന്ന ചിത്രത്തിന്റെ ചിത്രീകരണം ആരംഭിക്കുന്നതിന് മുമ്പുതന്നെ അഭിഷേകും കരിഷ്മയും തമ്മിൽ പ്രണയത്തിലായിരുന്നുവെന്ന് സുനീൽ ദർശൻ വ്യക്തമാക്കി. പിന്നീട് ആ ബന്ധം കൂടുതൽ ശക്തമായി. ‘ഹാ മേൻനെ ഭി പ്യാർ കിയാ’ എന്ന ചിത്രത്തിന്റെ ആലോചനകൾ നടക്കുന്നതിനിടെയാണ് ഇരുവരുടെയും വിവാഹം തീരുമാനിച്ചതെന്നും അദ്ദേഹം പറഞ്ഞു. “അമിതാഭ് ബച്ചന്റെ മകനും രാജ് കപൂറിന്റെ പേരക്കുട്ടിയും ഒന്നിക്കുന്നതിലൂടെ മനോഹരമായൊരു ബന്ധമാണ് രൂപപ്പെടുന്നതെന്ന് എല്ലാവരും കരുതി. എന്നാൽ, വിവാഹം വേണ്ടെന്ന തീരുമാനമെടുത്ത സമയത്ത് ഞാൻ യാദൃശ്ചികമായി കരിഷ്മയുടെ വീട്ടിലുണ്ടായിരുന്നു. ആ വിവാഹം നടക്കാതിരുന്നത് നിർഭാഗ്യകരമായിരുന്നു,” സുനീൽ ദർശൻ പറഞ്ഞു.
വിവാഹം മുടങ്ങിയതിന് പിന്നാലെ കരിഷ്മ പുതുവത്സരാഘോഷത്തിനായി ബാങ്കോക്കിലേക്ക് പോയെന്നും പിന്നീട് അവർ സഞ്ജയ് കപൂറിനെ വിവാഹം ചെയ്യാൻ പോകുന്നുവെന്ന വാർത്തയാണ് കേട്ടതെന്നും അദ്ദേഹം പറഞ്ഞു. ആ തീരുമാനത്തിന്റെ പശ്ചാത്തലം തനിക്ക് ഒരിക്കലും മനസ്സിലായിട്ടില്ലെന്നും സുനീൽ ദർശൻ കൂട്ടിച്ചേർത്തു. അഭിഷേകിന്റെയും കരിഷ്മയുടെയും ബന്ധം വേർപിരിയാൻ പലരും കരിഷ്മയുടെ അമ്മ ബബിതയെയും അഭിഷേകിന്റെ അമ്മ ജയ ബച്ചനെയും കുറ്റപ്പെടുത്താറുണ്ടെന്ന് അദ്ദേഹം പറഞ്ഞു. എന്നാൽ അതിന്റെ പേരിൽ ആരെയും കുറ്റപ്പെടുത്തേണ്ടതില്ലെന്നും ചില കാര്യങ്ങൾ വിധിക്ക് വിടുന്നതാണ് നല്ലതെന്നും സുനീൽ ദർശൻ അഭിപ്രായപ്പെട്ടു. “അവർ തമ്മിൽ വളരെ ഗാഢമായ ബന്ധമായിരുന്നു. പ്രണയം ഓരോ വ്യക്തിയും വ്യത്യസ്ത രീതിയിലാണ് അനുഭവിക്കുന്നത്. എന്നാൽ ഇരുവരും തമ്മിൽ നിരന്തരം അഭിപ്രായവ്യത്യാസങ്ങൾ ഉണ്ടായിരുന്നു,” അദ്ദേഹം പറഞ്ഞു.
അമിതാഭ് ബച്ചന്റെ 60-ാം പിറന്നാൾ ആഘോഷത്തിനിടെയാണ് അഭിഷേകും കരിഷ്മയും തങ്ങളുടെ പ്രണയബന്ധം പരസ്യമാക്കിയത്. 2002ൽ ഇരുവരുടെയും വിവാഹനിശ്ചയവും നടന്നു. എന്നാൽ മാസങ്ങൾക്കകം വിവാഹം വേണ്ടെന്ന തീരുമാനത്തിലെത്തുകയും ബന്ധം അവസാനിപ്പിക്കുകയും ചെയ്തു. പിന്നീട് കരിഷ്മ വ്യവസായി സഞ്ജയ് കപൂറിനെ വിവാഹം ചെയ്തു. അഭിഷേക് ബച്ചൻ നടി ഐശ്വര്യ റായിയെയും വിവാഹം കഴിച്ചു. വർഷങ്ങൾ കഴിഞ്ഞിട്ടും ബോളിവുഡിലെ ഏറ്റവും ചർച്ച ചെയ്യപ്പെട്ടതും പൂർത്തിയാകാതെ പോയതുമായ പ്രണയകഥകളിലൊന്നായി അഭിഷേക്-കരിഷ്മ ബന്ധം തുടരുകയാണ്.
Summary: Filmmaker Sunil Darshan has spoken about the breakup of Abhishek Bachchan and Karisma Kapoor’s relationship, saying the couple shared a deep bond but had frequent differences of opinion. Their engagement in 2002 was called off within months, leaving fans surprised.
