തുംകൂരു: ബംഗളൂരുവിന് സമീപമുള്ള തുംകൂരുവിലെ വിശ്വാസ് ജുവലേഴ്സിൽ നിന്ന് ലക്ഷങ്ങൾ വിലമതിക്കുന്ന ആഭരണങ്ങൾ കാണാതായ സംഭവത്തിൽ പ്രതിയെ കണ്ട് ഞെട്ടി ജുവലറി അധികൃതരും പൊലീസും. ഡിസ്പ്ലേയിൽ വെച്ചിരുന്ന 10 ഡയമണ്ട് മോതിരങ്ങളും 2 സ്വർണ്ണമാലകളും ഉൾപ്പെടെ ഏകദേശം 10 ലക്ഷം രൂപയുടെ ആഭരണങ്ങളാണ് നിമിഷനേരം കൊണ്ട് അപ്രത്യക്ഷമായത്.(Rat steals 10 lakh worth gold jewellery from Tumakuru Vishwas Jewellers shop)
ഒടുവിൽ കടയിലെ സിസിടിവി ദൃശ്യങ്ങൾ പരിശോധിച്ചപ്പോഴാണ് ഈ വിചിത്രമായ കവർച്ചയ്ക്ക് പിന്നിലെ ‘മോഷ്ടാവിനെ’ കണ്ടത്. ഒരു കൂറ്റൻ എലിയാണ് ആഭരണങ്ങൾ കവർന്ന വില്ലനെന്ന് സിസിടിവി ദൃശ്യങ്ങളിൽ വ്യക്തമായി. വലിപ്പമുള്ള സ്വർണ്ണമാലകളും ഡയമണ്ട് മോതിരങ്ങളും ഒന്നൊന്നായി വാരിയെടുത്ത് എലി കടയ്ക്കുള്ളിലെ വളപ്പിലേക്ക് കൊണ്ടുപോകുന്നത് ദൃശ്യങ്ങളിൽ കാണാമായിരുന്നു.
തുടർന്ന് കടയിലെ ജീവനക്കാർ എലിയുടെ ഗർത്തവും ഒളിസങ്കേതവും കണ്ടെത്തി പ്രദേശം കുഴിച്ചു പരിശോധിച്ചു. ഭാഗ്യവശാൽ, എലി കടത്തിക്കൊണ്ടുപോയ എല്ലാ ആഭരണങ്ങളും കേടുപാടുകളില്ലാതെ അവിടെനിന്ന് തിരികെ ലഭിച്ചു. ഇതോടെ ദിവസങ്ങളോളം കടയുടമകളെയും ജീവനക്കാരെയും വലിയ ആശങ്കയിലാഴ്ത്തിയ അപൂർവ്വ ‘കവർച്ചാ നാടകത്തിന്’ രസകരമായ അന്ത്യമായി.
Story Summary
Jewellery worth around ₹10 lakh mysteriously disappeared from Vishwas Jewellers in Tumakuru near Bengaluru, only for CCTV footage to reveal that the culprit was a rat. The rodent carried 10 diamond-studded gold rings and two gold chains into its burrow, from where the store staff later dug up and successfully recovered all the stolen ornaments.
