ഇന്ന് എസ്.എസ്.എൽ.സി. - ഹയർ സെക്കൻഡറി മൂല്യനിർണയം ആരംഭിക്കും
Apr 3, 2024, 13:32 IST
തിരുവനന്തപുരം: സംസ്ഥാനത്ത് എസ്.എസ്.എൽ.സി , ടി.എച്ച്.എസ്.എൽ.സി., ഹയർ സെക്കൻഡറി, വൊക്കേഷണൽ ഹയർ സെക്കൻഡറി ഉത്തരക്കടലാസുകളുടെ മൂല്യനിർണയം ഇന്നാരംഭിക്കും. 70 ക്യാമ്പുകളാണ് എസ്.എസ്.എൽ.സി. മൂല്യനിർണയത്തിനായി സംസ്ഥാനത്ത് സജ്ജീകരിച്ചിട്ടുള്ളത്. ഇവിടെ മൂല്യനിർണയത്തിൽ പങ്കെടുക്കുന്നത് 10,000 അധ്യാപകരാണ്. മൂല്യനിർണ്ണയം നടത്തുക 38.5 ലക്ഷത്തോളം വരുന്ന ഉത്തരക്കടലാസുകളാണ്. 77 ക്യാമ്പുകളിലായി 25,000 ത്തോളം അധ്യാപകർ ഹയർ സെക്കൻഡറി മൂല്യനിർണയത്തിൽ പങ്കെടുക്കും. എട്ടര ലക്ഷത്തോളം കുട്ടികളുടെ 52 ലക്ഷം ഉത്തരക്കടലാസുകളാണ് ഒന്നും രണ്ടും വർഷ ഹയർസെക്കൻഡറിയിലായി മൂല്യനിർണയം നടത്തുക. ടി.എച്ച്.എസ്.എൽ.സി ക്കായി തയ്യാറാക്കിയിരിക്കുന്ന രണ്ട് ക്യാമ്പുകളിൽ 110 അധ്യാപകരാണ് പങ്കെടുക്കുക. 2200 ഓളം അധ്യാപകർ എട്ടു ക്യാമ്പുകളിലായി വൊക്കേഷണൽ ഹയർ സെക്കൻഡറി മൂല്യനിർണയത്തിൽ പങ്കെടുക്കും. മൂല്യനിർണ്ണയം നടത്തേണ്ടത് 3.40 ലക്ഷം ഉത്തരക്കടലാസുകളാണ്.