പ്രഭാത അസംബ്ലിയില് ഭരണഘടനയുടെ ആമുഖം വായിക്കണമെന്ന് സ്കൂളുകള്ക്ക് സി.ബി.സി.ഐ. നിർദേശം
Apr 4, 2024, 11:16 IST
![എഡ്യൂക്കേഷൻ](https://timeskerala.com/static/c1e/client/91214/uploaded/28e55b12571202e715f74066b4884d06.webp)
ന്യൂഡല്ഹി: ഭരണഘടനയുടെ ആമുഖം സ്കൂളുകളിലെ പ്രഭാത അസംബ്ലിയില് വായിക്കണമെന്ന നിര്ദേശവുമായി സി.ബി.സി.ഐ. (ഭാരത കത്തോലിക്കാ മെത്രാന് സമിതി). ഇത് സ്ഥാപനത്തിന്റെ പ്രധാന കവാടത്തിൽ രേഖപ്പെടുത്തണമെന്നും നിര്ദേശമുണ്ട്. കത്തോലിക്കാ സഭയുടെ സ്കൂളുകള്ക്ക് സി.ബി.സി.ഐ. നല്കിയത് 13 പേജുകളുള്ള മാര്ഗനിര്ദേശങ്ങളാണ്. സര്വമത പ്രാര്ഥനാമുറി എല്ലാ സ്കൂളുകളിലും സജ്ജമാക്കണമെന്നും ക്രിസ്ത്യന് ആചാരങ്ങള് മറ്റ് മതങ്ങളിലെ കുട്ടികളുടെ മേല് അടിച്ചേല്പ്പിക്കരുതെന്നും അതിൽ പറയുന്നു. സ്കൂളുകള്ക്ക് നേരേ ആക്രമണങ്ങള് ഉണ്ടാകുന്ന സാഹചര്യത്തിൽ സുരക്ഷ കൂട്ടണമെന്നും, സ്വാതന്ത്ര്യസമരസേനാനികള്, കവികള്,ശാസ്ത്രജ്ഞര് എന്നിവരുടെ ചിത്രങ്ങൾ സ്കൂളുകളില് സ്ഥാപിക്കണമെന്നും പറയുന്ന നിർദേശത്തിൽ കൃത്യമായ ചുറ്റുമതില് സ്കൂളുകൾക്ക് ഉണ്ടായിരിക്കണമെന്നും, നിരീക്ഷണ ക്യാമറകള് സ്ഥാപിക്കണമെന്നും, സ്കൂള് കെട്ടിടം, ഭൂമി, എന്നിവയുമായി ബന്ധപ്പെട്ട എല്ലാ രേഖകളും സൂക്ഷിക്കണമെന്നും പറയുന്നു.