പ്ലസ് വണ് പ്രവേശനം: മലപ്പുറത്തിന്റെ പേര് പറഞ്ഞ് രാഷ്ട്രീയ മുതലെടുപ്പിന് ശ്രമിക്കുന്നുവെന്ന് വി ശിവന്കുട്ടി
May 15, 2024, 19:22 IST
![സിദ്ധാര്ഥന്റെ മരണം: പ്രതികൾ ആരാണെങ്കിലും പരമാവധി ശിക്ഷ ഉറപ്പാക്കുമെന്ന് മന്ത്രി വി. ശിവൻകുട്ടി](https://timeskerala.com/static/c1e/client/91214/uploaded/166f45f58d9144baa5a8d1f988475ea4.jpg)
തിരുവനന്തപുരം: പ്ലസ് വണ് പ്രവേശനവുമായി ബന്ധപ്പെട്ട് മലപ്പുറത്തിന്റെ പേര് പറഞ്ഞ രാഷ്ട്രീയ മുതലെടുപ്പിന് ശ്രമം നടക്കുകയാണെന്ന് മന്ത്രി വി ശിവന്കുട്ടി. ഉപരിപഠനം സ്വപ്നം കാണുന്ന എല്ലാ കുട്ടികള്ക്കും സീറ്റ് ഉറപ്പാക്കുമെന്നും മന്ത്രി വ്യക്തമാക്കി.
''മലപ്പുറം ജില്ലയില് നേരത്തെ അനുവദിച്ചിരുന്ന സീറ്റുകള് 53,236 ആണ്. ഇതില് 22,600 സീറ്റുകള് സര്ക്കാര് മേഖലയിലും 19,350 സീറ്റുകള് എയിഡഡ് സ്കൂളുകളിലും 11,286 സീറ്റുകള് അണ് എയിഡഡ് മേഖലയിലും ആണ് ഉൾപ്പെടുന്നത്. അഡീഷണല് ബാച്ച് അനുവദിക്കുന്നത് വഴി ലഭ്യമാക്കിയ സീറ്റുകള് 6,105 ആണ്. ഇതില് സര്ക്കാര് മേഖലയിലെ 4,545 സീറ്റുകളും എയ്ഡഡ് മേഖലയിലെ 1,560 സീറ്റുകളും ഉണ്ട്. മാര്ജിനില് സീറ്റ് വര്ദ്ധനവ് വഴി ലഭ്യമാക്കിയ സീറ്റുകള് 11,635 എണ്ണമാണ്. ഇതില് 6,780 സീറ്റുകള് സര്ക്കാര് മേഖലയിലും 4,855 സീറ്റുകള് എയിഡഡ് മേഖലയിലും ആണ്.'' മന്ത്രി പറഞ്ഞു.
![](https://timeskerala.com/static/c1e/static/themes/16/91214/3752/images/New-Creative-.png)
''ഇങ്ങനെ വരുമ്പോള് ആകെ ഹയര് സെക്കന്ഡറി സീറ്റുകള് സര്ക്കാര് മേഖലയില് 33,925 ഉം എയിഡഡ് മേഖലയില് 25,765 ഉം അണ്എയ്ഡഡ് മേഖലയില് 11,286 ഉൾപ്പടെ ആകെ 70,976 ആണ്. ഇത് കൂടാതെ വിഎച്ച്എസ്ഇ മേഖലയില് 2,850 ഉം ഐടിഐ മേഖലയില് 5,484 ഉം പോളിടെക്നിക് മേഖലയില് 880 ഉം സീറ്റുകള് അനുവദിച്ചിട്ടുണ്ട്. അങ്ങനെ ആകെ ഉപരിപഠനത്തിനായി 80,190 സീറ്റുകള് മലപ്പുറം ജില്ലയില് ലഭ്യമാണ്.'' മന്ത്രി പറഞ്ഞു.