കീം ഓൺലൈൻ പ്രവേശന പരീക്ഷ ചരിത്ര വിജയമെന്ന് പറഞ്ഞ് മന്ത്രി ആർ. ബിന്ദു
Jun 11, 2024, 10:52 IST
തിരുവനന്തപുരം: കീം ഓൺലൈൻ പ്രവേശന പരീക്ഷ ചരിത്ര വിജയമെന്ന് പറഞ്ഞ് മന്ത്രി ആർ. ബിന്ദു. കീം ഓൺലൈനായി സംസ്ഥാനത്ത് ആദ്യമായാണ് നടത്തിയത്. പരീക്ഷ എഴുതിയത് 79,044 വിദ്യാര്‍ഥികൾ ആണ്. ഇന്നലെ ജൂൺ അഞ്ചിന് ആരംഭിച്ച പരീക്ഷ പൂർത്തിയായിരുന്നു. എൻജിനിയറിംഗ് പരീക്ഷ ഈ മാസം അഞ്ചു മുതൽ ഒൻപതു വരെയും ഫാർമസി പരീക്ഷ പത്തിനുമായിരുന്നു. ഇത്ര വിപുലമായ രീതിയിൽ സംസ്ഥാനത്ത് ഓൺലൈൻ പരീക്ഷ നടത്തിയത് ആദ്യമായാണ്. 18,993 പേർക്ക് ഒരു ദിവസം പരീക്ഷയെഴുതാൻ സൗകര്യമൊരുക്കിയിട്ടുണ്ടായിരുന്നു.