ചാലക്കുടി പുഴയിൽ ജലനിരപ്പ് ഉയരുന്നു; പുഴയോരത്ത് താമസിക്കുന്നവർ ജാഗ്രത പാലിക്കണം
Oct 12, 2021, 10:17 IST
തൃശൂർ: സംസ്ഥാനത്ത് കനത്ത മഴ തുടരുന്ന സാഹചര്യത്തിൽ പെരിങ്ങൽക്കുത്ത് ഡാമിന്‍റെ വാൽവുകൾ തുറന്നു. ഇതോടെ ചാലക്കുടി പുഴയിൽ ജലനിരപ്പ് ഉയരുകയാണ്. താഴ്ന്ന പ്രദേശങ്ങളിൽ വെള്ളം കയറിത്തുടങ്ങിയതായാണ് റിപ്പോർട്ട്. റെയിൽവേ അടിപ്പാതയിലും വെള്ളം കയറിയിട്ടുണ്ട്. നിലവിലെ സാഹചര്യത്തിൽ ചലക്കുടി പുഴയോരത്ത് താമസിക്കുന്നവരോട് ജാഗ്രത പാലിക്കാന്‍ ജില്ലാ ഭരണകൂടം നിര്‍ദേശം നല്‍കി. തൃശൂർ, പാലക്കാട്, മലപ്പുറം, കോഴിക്കോട് ജില്ലകളിൽ ശക്തമായ മഴയാണ് തുടരുന്നത്.