ബേലൂർ മഖ്നയെ പിടികൂടുന്നതിനുള്ള വനംവകുപ്പിന്‍റെ ശ്രമം വീണ്ടും പരാജ‌യം; ദൗത്യ സംഘത്തെ നാട്ടുകാർ ത‌ടഞ്ഞു
Feb 13, 2024, 19:32 IST
മാനന്തവാടി: ആളെക്കൊല്ലി കാ‌ട്ടാന ബേലൂര്‍ മഖ്നയെ പിടികൂടുന്നതിനുള്ള വനംവകുപ്പിന്‍റെ ശ്രമം വീണ്ടും പരാജ‌യപ്പെട്ടു. രാവിലെ കാട്ടിക്കുളം ഇരുമ്പുപാലത്തിന് അടുത്തെത്തിയ ആനയെ മയക്കുവെടി വയ്ക്കാനായി ദൗത്യസംഘം കാട്ടിൽ പ്രവേശിച്ചെങ്കിലും ആന സ്ഥലം മാറി‌യതോ‌ടെ ദൗത്യം പരാജ‌യപ്പെടുകയായിരുന്നു. ആനയ്ക്ക് മയക്കുവെടി ഏറ്റാൽ തിരിച്ച് ആക്രമിക്കാനുള്ള സാധ്യത കൂടുതലാണെന്നും മയങ്ങാനെടുക്കുന്ന അര മണിക്കൂറോളം സമയം ആന ഓ‌‌ടാൻ സാധ്യതയുണ്ടെന്നും അധികൃതർ പറഞ്ഞു. തിരിച്ച് കാട്ടിൽ നിന്ന് ഇറങ്ങി‌യ ദൗത്യസംഘത്തെ നാട്ടുകാർ തടഞ്ഞുവച്ചെങ്കിലും പിന്നീട് വിട്ട‌യച്ചു. അതേസമയം ശനിയാഴ്ച അജീഷിനെ കൊലപ്പെടുത്തിയ പടമലയിൽ ആന‌യെത്തി വ്യാപകമായി കൃഷി നശിപ്പിച്ചെന്ന് നാട്ടുകാർ പറഞ്ഞു.