കേരളത്തിന് അധികമായി കടമെടുക്കാൻ അവകാശമില്ല; സുപ്രീംകോടതി
![ചണ്ഡിഗഡ് മേയർ തെരഞ്ഞെടുപ്പ്: വരണാധികാരി വിചാരണ നേരിടേണ്ടിവരുമെന്ന് സുപ്രീംകോടതി](https://timeskerala.com/static/c1e/client/91214/uploaded/9f163d3b0858d286f96f46795b04eb79.jpg)
ന്യൂഡൽഹി: കടമെടുപ്പ് പരിധിയുമായി ബന്ധപ്പെട്ട് കേരളത്തിന് അധികമായി കടമെടുക്കാൻ അവകാശമില്ലെന്ന് ഉത്തരവിട്ട് സുപ്രീംകോടതി. 10722 കോടി കടമെടുക്കാനുള്ള അവകാശം ബോദ്ധ്യപ്പെടുത്താൻ സംസ്ഥാനത്തിനായില്ലെന്നും കോടതി ഉത്തരവിൽ വ്യക്തമാക്കുന്നു,
വായ്പയുടെ കാര്യത്തിൽ കേരളത്തിന് മതിയായ ആശ്വാസം ലഭിച്ചുവെന്നാണ് ജസ്റ്റിസുമാരായ സൂര്യകാന്തും കെ.വി. വിശ്വനാഥനും അടങ്ങിയ ബെഞ്ചിന്റെ വിലയിരുത്തൽ. അധിക വായ്പയെടുക്കലിന് അനുമതി നൽകിയാൽ അടുത്ത സാമ്പത്തികവർഷത്തിൽ ആ തുക കുറയ്ക്കുമെന്ന കേന്ദ്രസർക്കാർ ഉന്നയിച്ച വാദം കോടതി അംഗീകരിച്ചു. കേരളത്തിന് ഇനിയും കടമെടുക്കാൻ അവകാശമുണ്ടെന്ന വാദം തെറ്റാണ്. 2017/20 കാലത്ത് അധികമായി കടമെടുത്തുവെന്ന കേന്ദ്രത്തിന്റെ വാദം സുപ്രീംകോടതി ശരിവെച്ചിരുന്നു. അവകാശപ്പെടുന്ന തുകയിലെ കേരളത്തിന്റെ കണക്കുകളിൽ പൊരുത്തക്കേടുണ്ടെന്നും സുപ്രീംകോടതി അറിയിച്ചു.
![](https://timeskerala.com/static/c1e/static/themes/16/91214/3752/images/New-Creative-.png)