ഇന്ത്യയും യുഎഇയും നാല് സുപ്രധാന കരാറുകളിലും ധാരണാപത്രങ്ങളിലും ഒപ്പുവെച്ചു
![ഇന്ത്യയും യുഎഇയും നാല് സുപ്രധാന കരാറുകളിലും ധാരണാപത്രങ്ങളിലും ഒപ്പുവെച്ചു](https://timeskerala.com/static/c1e/client/91214/uploaded/74b48cf58c23214677f19b7ec14d047c.jpg)
ഉഭയകക്ഷി നിക്ഷേപ ഉടമ്പടി, വൈദ്യുതബന്ധ-വ്യാപാര മേഖലയിലെ സഹകരണം സംബന്ധിച്ച ധാരണാപത്രം, ഇന്ത്യ-മധ്യപൂർവേഷ്യ സാമ്പത്തിക ഇടനാഴി സംബന്ധിച്ച് ഇന്ത്യയും യുഎഇയും തമ്മിലുള്ള അന്തർഗവൺമെന്റ്തല ചട്ടക്കൂട് ഉടമ്പടി, ഡിജിറ്റൽ അടിസ്ഥാനസൗകര്യ പദ്ധതികളിലെ സഹകരണം സംബന്ധിച്ച ധാരണാപത്രം, രണ്ടു രാജ്യങ്ങളിലെയും നാഷണൽ ആർക്കൈവ്സ് തമ്മിലുള്ള സഹകരണ നിർദേശങ്ങൾ, പൈതൃക-മ്യൂസിയ മേഖലകളിലെ സഹകരണത്തിനുള്ള ധാരണാപത്രം, യുപിഐ (ഇന്ത്യ), എഎഎൻഐ (യുഎഇ) എന്നീ തൽക്ഷണ പണമിടപാടു സംവിധാനങ്ങൾ പരസ്പരം ബന്ധിപ്പിക്കുന്നതിനുള്ള കരാർ, JAYWAN (യുഎഇ), റുപേ (ഇന്ത്യ) എന്നീ ആഭ്യന്തര ഡെബിറ്റ്/ക്രെഡിറ്റ് കാർഡുകൾ പരസ്പരം ബന്ധിപ്പിക്കുന്നതിനുള്ള കരാർ എന്നിവയാണ് ഇരുരാജ്യങ്ങളും തമ്മിൽ ഒപ്പുവെച്ച പ്രധാന കരാറുകളും ധാരണാപത്രങ്ങളും.
![](https://timeskerala.com/static/c1e/static/themes/16/91214/3752/images/New-Creative-.png)
ഉഭയകക്ഷി പങ്കാളിത്തം അവലോകനം ചെയ്ത നേതാക്കൾ സഹകരണത്തിന്റെ പുതിയ മേഖലകൾ ചർച്ച ചെയ്തു. വ്യാപാരം, നിക്ഷേപം, ഡിജിറ്റൽ അടിസ്ഥാനസൗകര്യങ്ങൾ, ഫിൻടെക്, ഊർജം, അടിസ്ഥാനസൗകര്യങ്ങൾ, സംസ്കാരം, ജനങ്ങൾ തമ്മിലുള്ള ബന്ധം എന്നിവയുൾപ്പെടെ വിവിധ മേഖലകളിലുടനീളമുള്ള സമഗ്രമായ തന്ത്രപ്രധാനപങ്കാളിത്തം ആഴത്തിലാക്കുന്നതിനെ അവർ സ്വാഗതം ചെയ്തു. പ്രാദേശികവും ആഗോളവുമായ വിഷയങ്ങളും ചർച്ച ചെയ്തു. ഊർജപങ്കാളിത്തം ശക്തിപ്പെടുത്തുന്നതിനെക്കുറിച്ചും നേതാക്കൾ ചർച്ച ചെയ്തു.
നരേന്ദ്ര മോദി അബുദാബിയിൽ എത്തി; പ്രസിഡന്ഷ്യല് കൊട്ടാരത്തിൽ ഗംഭീര സ്വീകരണം
രണ്ടു ദിവസത്തെ സന്ദര്ശനത്തിനായി പ്രധാനമന്ത്രി നരേന്ദ്ര മോദി അബുദാബിയിൽ എത്തി. യുഎഇ തലസ്ഥാനമായ അബുദാബിയിൽ രാജ്യത്തെ ആദ്യ ഹിന്ദു ക്ഷേത്രം വിശ്വാസികൾക്ക് തുറന്നു കൊടുക്കുന്നതിനായാണ് പ്രധാനമന്ത്രി എത്തിയതെങ്കിലും യുഎഇ പ്രസിഡന്റ് ഉൾപ്പടെയുള്ളവരുമായി അദ്ദേഹം ഉഭയകക്ഷി ചർച്ചകൾ നടത്തും.
യുഎഇ പ്രസിഡന്റ് ശൈഖ് മുഹമ്മദ് ബിന് സായിദ് അല് നഹ്യാന്റെ നേതൃത്വത്തിൽ പ്രസിഡന്ഷ്യല് കൊട്ടാരത്തിൽ മോദിക്കായി ഗംഭീര സ്വീകരണവും ഒരുക്കിയിരുന്നു. അബുദാബി സായിദ് സ്പോർട്സ് സിറ്റി സ്റ്റേഡിയത്തിൽ നടത്തുന്ന അഹ്ലൻ മോദി എന്ന പരിപാടിയിൽ പങ്കെടുത്ത് ഇന്ത്യൻ സമൂഹത്തെ അഭിസംബോധന ചെയ്യും.