ഡ്രൈവിംഗ് സ്കൂൾ ഉടമകളുടെ സമരം: ഗതാഗതമന്ത്രിയുടെ നേതൃത്വത്തിൽ ഇന്ന് ചർച്ച
![ഡ്രൈവിംഗ് സ്കൂൾ ഉടമകളുടെ സമരം: ഗതാഗതമന്ത്രിയുടെ നേതൃത്വത്തിൽ ഇന്ന് ചർച്ച](https://timeskerala.com/static/c1e/client/91214/uploaded/993a495100cbe51dbfdcc675b9034088.webp)
തിരുവനന്തപുരം: സംസ്ഥാനത്ത് ഡ്രൈവിംഗ് സ്കൂൾ ഉടമകൾ നടത്തുന്ന സമരം അവസാനിപ്പിക്കാൻ വിവിധ യൂണിയനുകളുമായി സർക്കാർ ഇന്നു ചർച്ച നടത്തും. ഗതാഗതമന്ത്രി കെ. ബി. ഗണേഷ് കുമാറിന്റെ നേതൃത്വത്തിൽ ഉച്ചകഴിഞ്ഞു മൂന്നിന് തിരുവനന്തപുരത്ത് സെക്രട്ടേറിയറ്റിലെ ഗതാഗത മന്ത്രിയുടെ ചേംബറിലാണ് ചർച്ച നടത്തുക.
![](https://timeskerala.com/static/c1e/static/themes/16/91214/3752/images/New-Creative-.png)
മോട്ടോര് വാഹന ലൈസൻസ് ടെസ്റ്റ് പരിഷ്കരണവുമായി ബന്ധപ്പെട്ട് ഡ്രൈവിംഗ് സ്കൂൾ ഉടമകൾ ദിവസങ്ങളായി സമരത്തിലായിരുന്നു.13 ദിവസത്തെ സമരത്തിന് ശേഷമാണ് സര്ക്കാര് ചര്ച്ചയ്ക്ക് വിളിച്ചത്. ഈ മാസം 23 ന് സിഐടിയുവുമായി ചര്ച്ച നടത്താനായിരുന്നു നേരത്തെയുള്ള തീരുമാനം. എന്നാൽ സമരം കടുപ്പിക്കുന്നതിനെ തുടർന്നാണ് സർക്കാർ ചർച്ചയ്ക്ക് മുന്നോട്ടുവന്നത്.