നിയമസഭാ സമ്മേളനത്തിന് ഇന്നു തുടക്കം
Jun 10, 2024, 06:55 IST
![നിയമസഭാ സമ്മേളനത്തിന് ഇന്നു തുടക്കം](https://timeskerala.com/static/c1e/client/91214/uploaded/122b6b5a578635431cd267845bd62499.jpg)
തിരുവനന്തപുരം: ലോക്സഭാ തെരഞ്ഞെടുപ്പിൽ പതിനെട്ട് സീറ്റിലെ ഉജ്വല വിജയവുമായി യുഡിഎഫ് ഇന്ന് നിയമസഭാ സമ്മേളനത്തിനെത്തുന്പോൾ സംസ്ഥാന സർക്കാരിനെതിരേ ശക്തമായ പോരാട്ടത്തിന് സഭാതലം വേദിയാകും. സർക്കാരിനെ ജനങ്ങൾ എത്രമാത്രം തിരസ്കരിച്ചു എന്നു ചൂണ്ടിക്കാട്ടാനായി ലോക്സഭാ തെരഞ്ഞെടുപ്പ് ഫലം തന്നെയാവും ആദ്യ ദിനങ്ങളിൽ സഭയിൽ പ്രതിപക്ഷം ഉയർത്തുക. സർക്കാരിനെ ആദ്യദിനം തന്നെ പ്രതിരോധത്തിലാക്കുക എന്ന ലക്ഷ്യത്തോടെ ബാർകോഴ വിവാദത്തിൽ ഇന്ന് യുഡിഎഫിന്റെ നിയമസഭാ മാർച്ച് നടക്കുന്നുണ്ട്. ഇന്ന് ആരംഭിക്കുന്ന സഭാ സമ്മേളനം ജൂലൈ 25നാണ് അവസാനിക്കുന്നത്.