ഡിവൈഡറിൽ ഉറങ്ങിക്കിടന്നവരുടെ മുകളിലേക്ക് ട്രക്ക് പാഞ്ഞുകയറി നാല് പേർ മരിച്ചു
Sep 21, 2022, 10:54 IST
ന്യൂഡൽഹി: ഡൽഹിയിൽ ഡിവൈഡറിൽ ഉറങ്ങിക്കിടന്നവരുടെ മുകളിലേക്ക് ട്രക്ക് പാഞ്ഞുകയറി നാല് പേർ മരിച്ചു. ചൊവ്വാഴ്ച രാത്രി ഡൽഹി സീമാപുരിയിലായിരുന്നു അപകടം സംഭവിച്ചത്. അപകടത്തിൽ രണ്ട് പേർക്ക് പരിക്കേൽക്കുകയും ചെയ്തു.
പുലർച്ചെ 1.51 ന് ഡൽഹി ട്രാൻസ്പോർട്ട് കോർപ്പറേഷൻ (ഡിടിസി) ബസ് ഡിപ്പോയ്ക്ക് സമീപത്തായിരുന്നു അപകടം. കരീം (52), ചോട്ടേ ഖാൻ (25), ഷാ ആലം (38), റഹൂ (45) എന്നിവരാണ് മരണപ്പെട്ടത്. മനീഷ് (16), പ്രദീപ് (30) എന്നിവർക്ക് പരിക്കേറ്റിട്ടുണ്ട്. ഇവർ റോഡിലെ ഡിവൈഡറിൽ കിടന്നുറങ്ങുകയായിരുന്നു. അപകടത്തിനു ശേഷം ഡ്രൈവർ ട്രക്കുമായി കടന്നുകളഞ്ഞു.