ഇന്ത്യന് റെയില്വേയുടെ വെജ് താലിയിലെ ഗുലാബ് ജാമുനിൽ ജീവനുള്ള പാറ്റ
![cockroach](https://timeskerala.com/static/c1e/client/91214/uploaded/54d7927546090609d75534c878761bf2.png)
ന്യൂഡൽഹി: ഇന്ത്യന് റെയില്വേ ലോകത്തിലെ ഏറ്റവും വലിയ പൊതു സംവിധാനങ്ങളിലൊന്നാണ്. എന്നാൽ, റെയില്വേ ഉപയോക്താക്കള്ക്ക് പരാതി ഒഴിഞ്ഞ് നേരമില്ലെന്നതാണ് യാഥാര്ത്ഥ്യം. സമൂഹ മാധ്യമങ്ങളില് നിരന്തരം പരാതികളായി ഉയരുകയാണ് റെയില്വേയിലെ യാത്രക്കാര്ക്കുള്ള ഭക്ഷണത്തിന്റെ നിലവാരത്തകര്ച്ച മുതൽ ടിക്കറ്റ് ഇല്ലാത്ത യാത്രക്കാരുടെ എ സി, റിസര്വേഷന് കോച്ചിലെ യാത്ര വരെ. കഴിഞ്ഞ ദിവസം ഒരു ഉപയോക്താവ് സോഷ്യൽ മീഡിയയിൽ ഒരു വീഡിയോ പങ്കു വച്ചിരുന്നു. ഇന്ത്യന് റെയില്വേയില് വിളമ്പിയ താലിയോട് ഒപ്പമുണ്ടായിരുന്ന ഗുലാബ് ജാമുനിൽ ജീവനുള്ള ഒരു പാറ്റയെ കണ്ടെത്തിയതായിരുന്നു വീഡിയോയിൽ ഉണ്ടായിരുന്നത്.
![](https://timeskerala.com/static/c1e/static/themes/16/91214/3752/images/New-Creative-.png)
Cockroach in food
byu/Aggravating-Wrap-266 inindianrailways
യാതൊരു ഭാവവ്യത്യാസവുമില്ലാതെ ഗുലാബ് ജാമുൻ ആസ്വദിക്കുന്ന പാറ്റയെ വീഡിയോയിൽ കാണാൻ കഴിയും. ആദ്യമായി ഐ ആർ സി ടി സിയിൽ നിന്ന് ഭക്ഷണം ഓർഡർ ചെയ്ത തനിക്ക് ലഭിച്ചത് ജീവനുള്ള പാറ്റയെയാണ് എന്ന കുറിപ്പോടെ പങ്കുവച്ച വീഡിയോയ്ക്ക് ലഭിച്ച കമൻറുകൾ അതിലേറെ രസകരമാണ്. 'ക്രഞ്ചി, പ്രോട്ടീൻ അടങ്ങിയ ഭക്ഷണക്രമം' എന്നും 'രുചികരമായ നോൺ-വെജ് താലി' എന്നുമൊക്കെയായിരുന്നു കമൻറുകൾ.