ടി.ടി.ഇ. വിനോദിന്‍റേത് കരുതിക്കൂട്ടിയുള്ള കൊലപാതകമെന്ന് റിമാൻഡ് റിപ്പോർട്ട്
Apr 4, 2024, 13:35 IST
തൃശൂർ: കരുതിക്കൂട്ടിയുള്ള കൊലപാതകമായിരുന്നു ടി.ടി.ഇ. വിനോദിന്‍റേതെന്ന് റിമാൻഡ് റിപ്പോർട്ടിൽ പറയുന്നു. പ്രതി വിനോദിനെ പിന്നിൽ നിന്ന് തള്ളിയിട്ടത് കൊല്ലണമെന്ന ഉദ്ദേശ്യത്തോടുകൂടി തന്നെയാണ്. ആക്രമണം നടത്തിയത് ടിക്കറ്റില്ലാതെ യാത്ര ചെയ്തതിന് പിഴയടയ്ക്കാന്‍ ആവശ്യപ്പട്ടതിനായിരുന്നു. വിനോദ് പ്രതിയായ ഒഡീഷ സ്വദേശി രജനികാന്തയോട് ഒന്നുകില്‍ പിഴയടയ്ക്കണം അല്ലെങ്കില്‍ അടുത്ത സ്റ്റേഷനില്‍ ഇറങ്ങണമെന്ന് ആവശ്യപ്പെട്ടിരുന്നു. ഇതോടെയാണ് ഇയാൾ ടി.ടി.ഇയെ കൊല്ലണമെന്ന ഉദ്ദേശ്യത്തോടുകൂടി അപ്രതീക്ഷിതമായി പിന്നില്‍നിന്ന് വന്ന് തള്ളിയിട്ടതെന്ന് റിമാൻഡ് റിപ്പോർട്ടിൽ വ്യക്തമാക്കുന്നു.